Tags-Gham

jahāñ bhī sham-e-mohabbat jalā.ī hai maiñ ne
havā-e-ġham ne vahīñ par bujhā diyā hai mujhe

maiñ sozish-e-ġham-e-daurāñ se yuuñ jalā ḳhāmosh
ki jaise bazm meñ jaltā ho ik diyā ḳhāmosh

kyā kahiye us ke rū-ba-rū aañsū nikal paḌe
ham ne to zabt-e-ġham kā irāda kiyā bahut

ai ġham-e-zīst bulātī haiñ mahaktī zulfeñ
aaj kī raat ye pur-nūr añdherā hī sahī

ġham meñ ik mauj sarḳhushī kī hai
ibtidā sī ḳhud āgahī kī hai

maiñ kahāñ aur dayār-e-ishq kahāñ
ġham-e-daurāñ ne rahbarī kī hai

na ye ġham nayā na sitam nayā ki tirī jafā kā gilā kareñ
ye nazar thī pahle bhī muztarib ye kasak to dil meñ kabhū kī hai

is liye chal ke har ik gaam pe ruk jaatā huuñ
tā na be-kaif ġham-e-dūri-e-manzil ho jaa.e

rah-e-hayāt meñ hazār uljhaneñ rahīñ magar
tumhārā ġham jahāñ milā use gale lagā liyā

bazm sajā kar bheñT kiye haiñ hamdardī ke chand alfāz
merā dukhḌā baañT rahe haiñ mere ġham meñ shāmil log

ye huā ma.amūl ki mānūs-e-ġham dil ho gayā
ham samajh baiThe hamāre dard kuchh kam ho ga.e

vaqt kī chāragarī bhī dekhiye kyā ḳhuub hai
ġham davā meñ Dhal gayā aur zaḳhm mahram ho ga.e

dushmanī baḌhne kā yuuñ 'nāyāb' ġham ham ko nahīñ
haañ magar afsos ye hai dost kuchh kam ho ga.e

har ek jāñ-gudāz ġham kā mā-hasal yahī rahā
ki ġham ke mashġhaloñ meñ zindagī bahal ke rah ga.ī

kam jānte the ham bhī ġham-e-ishq ko par ab
dekhā to kam hue pa ġham-e-rozgār thā

dil kā ilaaj kījiye ab yā na kījiye
apnā jo kaam thā vo ġham-e-yār kar gayā

'fānī' kī zaat se ġham-e-hastī kī thī numūd
shīrāza aaj daftar-e-ġham kā bikhar gayā

ġham hī ġham hai mire fasāne meñ
dukh hī dukh hai use jahāñ se suno

ġham mire dil meñ tum ho parde meñ
sach to hai tum use kahāñ se suno

yuuñ ziyā-bār rahī hijr kī shab yaad tirī
ġham kā sho.ala tire ruḳhsār se baḌh kar chamkā