Tags-Gham

ḳhushiyāñ tamām ġham meñ vo tabdīl kar gayā
āḳhir mire ḳhulūs kī tazlīl kar gayā

bas usī kā safar-e-shab meñ talabgār hai kyā
tū hī ai maah mirā hamdam o ġham-ḳhvār hai kyā

ġham-e-daurāñ kā mudāvā na huā par na huā
haath meñ kis ke shifā hai mujhe ma.alūm na thā

us ne jis had tak bhī ham se dāstān-e-ġham sunī
ham ko is nisbat se fan-e-iḳhtisār aatā gayā

adū jis kā ḳharāb-e-ġham shikār-e-nā-murādī thā
har ik sāhil-nashīñ jāñ-soz tūfānoñ kā aadī thā

yuuñ to bahut haiñ duniyā meñ zī-rūh hastiyāñ
bas aadmī vahī hai ki jo ġham-shanās hai

mujhe maskan samajhte haiñ ajab aaseb haiñ ġham ke
maiñ ik do se nimaT bhī luuñ ye puurā ḳhānvāda hai

mash.hūr bhī haiñ badnām bhī haiñ ḳhushiyoñ ke na.e paiġhām bhī haiñ
kuchh ġham ke baḌe in.aam bhī haiñ paḌhiye to kahānī kaam kī hai

bahr-e-ġham se paar hone ke liye
maut ko sāhil banāyā jā.egā

badal jāoge tum ġham sun ke mere
kabhī dil ġham se ghabrā.e to kahnā

kabhī naġhma-e-ġham-e-ārzū kabhī zindagī kī pukār ham
kabhī ḳhāk-e-kūcha-e-yār ham kabhī shahryār-e-bahār ham

rahe muztarib kabhī muddatoñ ġham-e-dahr kī kaḌī dhuup meñ
jo sukūñ milā hai to so liye kabhī zer-e-gesū-e-yār ham

ġham-e-zindagī se shikast kyā rah-e-ārzū meñ qadam baḌhā
tū jo saath ho to badal bhī deñ ye mizāj-e-lail-o-nahār ham

ḳhas-e-badan meñ ba-rañg-e-sharār aa.e koī
chamak uThūñ maiñ ġham-e-āb-dār aa.e koī

tirā ġham ashk ban kar aa gayā hai
ki phir aage samundar aa gayā hai

ġham bik rahe the mele meñ ḳhushiyoñ ke naam par
māyūs ho ke lauTe haiñ har ik dukāñ se ham

ham ne ġhairoñ ke bhī ashkoñ ko liyā dāman par
chāhe ḳhud ġham ke samundar meñ nahā kar nikle

ġham zamāne kī jafāoñ kā kareñ kyā 'ḳhālid'
jab garebān hī kāñToñ se sajā kar nikle

laakh kartā huuñ koshisheñ 'ibrat'
ġham magar muḳhtasar nahīñ hotā

ye merā dil ye sarāsar nigār-ḳhāna-e-ġham
sadā isī meñ utartī hai tere hijr kī shaam