Tags-Gham

kaun se dukh ko palle bāñdheñ kis ġham ko tahrīr kareñ
yaañ to dard sivā hotā hai aur bhī arz-e-hāl ke ba.ad

likhā huā hai tumhāre chehre pe ġham tumhārā
hamārī hālat bhī aisī be-mājrā nahīñ hai

sūrateñ yuuñ to na yāroñ kī rulātī rahtīñ
ai ġham-e-marg ye sadme to na dil par hote

mil jaa.e koī sāthī har ġham ko sunā Dāleñ
bechain mirā dil hai pal bhar ko qarār aa.e

'sabīla' apne ġham ko maiñ chhupā letī to huuñ lekin
girātī haiñ jo āñkheñ un ko paanī kaun kahtā hai

shikva karte ho ḳhushī tum se manā.ī na ga.ī
ham se ġham bhī to manāyā na gayā ġham kī tarah

ḳhauf dil se na gayā sub.h ke hone kā 'qamar'
vasl kī raat guzārī hai shab-e-ġham kī tarah

shab-gazīdoñ se hisāb-e-ġham chukāne ke liye
tum na aa.e the magar sub.h-e-qayāmat aa.ī thī

zindagī apnī kāmyāb nahīñ
ġham-e-daurāñ kā kuchh hisāb nahīñ

mirā aniis mirā ġham hai tum na saath chalo
tumhārā aur hī aalam hai tum na saath chalo

ḳhushī to ġharq-e-ġham-e-rozgār hai merī
lab-e-hayāt pe mātam hai tum na saath chalo

har ek moḌ pe jalte haiñ ġhurbatoñ ke charāġh
qadam qadam pe nayā ġham hai tum na saath chalo

ai nasīm-e-sahar tujh ko un kī qasam, un se jā kar na kahnā mirā hāl-e-ġham
apne miTne kā ġham to nahīñ hai magar, Dar ye hai un ke gesū bikhar jā.eñge

ashk-e-ġham le ke āḳhir kidhar jaa.eñ ham, āñsuoñ kī yahāñ koī qīmat nahīñ
aap hī apnā dāman baḌhā dījiye, varna motī zamīñ par bikhar jā.eñge

'māhir' na dil kaho use ik laḳht-e-sañg hai
har-dam ġham-e-habīb meñ jo mubtalā nahīñ

apne sūkhe hue gul-dān kā ġham hai mujh ko
aañkh meñ ashk kā qatra bhī nahīñ hai koī

ai said-fagan ġham se tire duurī ki merā
har zaḳhm-e-dil ik dīda-e-ḳhūñ-bār huā hai

sarf-e-ġham ham ne naujavānī kī
vaah kyā ḳhuub zindagānī kī

tere dāġhoñ kī ai ġham-e-ulfat
ḳhuub ham ne bhī bāġhbānī kī

udāsiyoñ meñ aTī shām-e-ġham kī chaukhaT par
ḳhayāl-e-yār ne kitnā rulā diyā hai mujhe