Tags-Gham

āzurda-e-ulfat ko ġham-e-zindagī jaise
tapte hue jañgal meñ koī aag lagā de

log kahte the ki aise ġham meñ ye bhī rote haiñ
jo nahīñ ro.e zamīn-o-āsmāñ to kyā huā

ġham-e-mohabbat meñ dil ke dāġhoñ se rū-kash-e-lāla-zār huuñ maiñ
fazā bahārīñ hai jis ke jalvoñ se vo harīf-e-bahār huuñ maiñ

hazāroñ ġham to dekhe us se mil kar
vahī phir hauslā hai aur maiñ huuñ

do aalam kī ḳhushī se kuchh nahīñ kaam
faqat ik ġham tirā hai aur maiñ huuñ

ġham-e-dūrī qayāmat hai ki har-dam
ajal kā sāmnā hai aur maiñ huuñ

'nizām' us but ke ġham meñ ho tasallī
bas ik zāt-e-ḳhudā hai aur maiñ huuñ

kū-ba-kū kab se hai ik sarsar-e-ġham āvāra
ab kidhar jaa.eñ tire shahr meñ ham āvāra

kuchh ġham kashīd karne haiñ apne vajūd se
jā ġham ke sāthiye mujhe tanhā.ī chāhiye

behtar hai palaT jaao siyah-ḳhāna-e-ġham se
is sard guphā meñ to havā tak nahīñ aatī

ladī hai phūloñ se phir bhī udaas lagtī hai
ye shāḳh mujh ko mirī ġham-shanās lagtī hai

thī qahqahoñ kī tamannā to aa ga.e aañsū
ḳhushī kī aarzū ġham kī asaas lagtī hai

kyuuñ DhūñDne nikle haiñ na.e ġham kā ḳhazīna
jab dil bhī vahī dard kī daulat bhī vahī hai

dīvār-e-ġham-e-jāñ bhī tirī ḳhair nahīñ hai
mismār hue gumbad-e-paimān hazāroñ

muflis kī to majbūrī hai sardī garmī bārish kyā
roTī kī ḳhātir saare ġham sahte haiñ to sahne do

bhalā hogā kuchh ik ahvāl us se yā burā hogā
ma.aal apnā tire ġham meñ ḳhudā jaane ki kyā hogā

dil ko saudā hai rahe rañg-e-shafaq pesh-e-nazar
ġham ko ik taur to bahlāne kā sāmāñ ho jaa.e

jab nahīñ miltā anīs-e-ġham-e-furqat koī
rakh ke tasvīr tirī sāmne ro letā huuñ

jab bhī mil jaatī hai fursat ġham-e-duniyā se 'shakeb'
yaad kar ke unheñ tanhā.ī meñ ro letā huuñ

ashk-rezī kī mujhe aadat nahīñ
ġham barā.e ġham mirī taz.hīk hai