Tags-Gham

mat milo is se tumhārī baat maiñ ne maan lī
us ke ġham meñ chaar aañsū bhī bahā saktā nahīñ

apne aañsū chhupā nahīñ sakte
ham tirā ġham uThā nahīñ sakte

be-yār mai-kashī bhī jo kiije to ġham ke saath
jām-o-subū banā.iye gard-e-malāl ke

jis ko aadat vasl kī ho hijr se kyūñkar bane
jab uThe ye ġham ki dil kā aa.ina patthar bane

ġham nahīñ jām-e-tilākār uThā rakh saaqī
kyā ġharaz ham ko salāmat rahe chullū apnā

kaun ai tūl-e-shab-e-ġham tirā jhagḌā rakkhe
aaj qissa hī kiye dete haiñ yaksū apnā

shādī o ġham ke raheñge yahī ragḌe jhagḌe
qissa jis vaqt talak hogā na yaksū apnā

ġham meñ parvāna-e-marhūm ke thamte nahīñ ashk
sham.a ai sham.a zarā dekh to muñh tū apnā

mustaqil vaz.a rahī kuchh ġham-e-daurāñ na huā
āñdhiyoñ meñ bhī ġhubār apnā pareshāñ na huā

yuuñ na kisī tarah kaTī jab mirī zindagī kī raat
chheḌ ke dāstān-e-ġham dil ne mujhe sulā diyā

merā ġham kis ne khāyā hai
maiñ kyuuñ duniyā kā ġham khā.ūñ

jhulā ke haal ko aksar zabāñ ke jhūle meñ
ġham-e-jahāñ ko meñ andāz detā rahtā huuñ

be-soz koī naġhma maqbūl nahīñ hotā
mizrāb-e-ġham-e-dil ko le jaao rag-e-jāñ tak

turfa koī kyā jaane ġham ahl-e-mohabbat kā
jaatī hai nazar kis kī zaḳhm-e-dil-e-insāñ tak

har dard nahīñ davā kā muhtāj
yuuñ bhī to ilāj-e-ġham huā hai

tamām shahr hī terī adā se qaa.em hai
husūl-e-kār-gah-e-ġham duā se qaa.em hai

ġham-e-andesha-hā-e-zindagī kyā
tapish se āgahī kī jal rahā huuñ

surḳh na ho kyuuñ ashk-e-ġham
ḳhūn-e-jigar bhī hai shāmil

kitne dukh ke din biite haiñ is kā bhī thā hosh kahāñ
apne haal ko kuchh samjhā huuñ sūrat se ġham-ḳhvāroñ kī

apnī saarī umr kho kar maiñ ne paayā hai tumheñ
aao mere ġham ke sannāTo mire nazdīk-tar