Tags-Gham

jo ho ke rah ga.e ġham roz-e-raushan ke ujāloñ meñ
shab-e-ġham kī bhayānak tīrgī kā raaz kyā jāneñ

hujūm-e-ġham meñ yādoñ ke nihāñ-ḳhāne mahak uTThe
shagūfe lāla-zāroñ ke dil-e-vīrāñ meñ rakhte haiñ

din hai farishta maut kā teġh-e-qazā liye hue
ġham kī siyāh raat ko sar pe khaḌī ajal kahūñ

dil bujhne lagā ātish-e-ruḳhsār ke hote
tanhā nazar aate haiñ ġham-e-yār ke hote

vīrāñ hai nazar merī tire ruḳh ke muqābil
āvāra haiñ ġham kūcha-e-dildār ke hote

jiinā hai to jī leñge bahar-taur divāne
kis baat kā ġham hai rasan-o-dār ke hote

kyā shai hai matā-e-ġham-o-rāhat na samajhnā
jiinā hai to jiine kī haqīqat na samajhnā

ho ḳhair tire ġham kī ki ham ne tire ġham se
sīkhā hai masarrat ko masarrat na samajhnā

dil ek na ik din jaanā thā ye din bhī āḳhir aanā thā
'tālib' tum is kā ġham na karo ye chiiz parā.ī hotī hai

chāhe apne ġham kī ho yā ġham-e-zamāna kī
baat to bahar-sūrat kuchh nikaltī rahtī hai

hai ġham-e-rozgār kā mauzūa
ik chaman jis meñ gul nahīñ khilte

jinheñ ye zid ho ki choTī talak pahuñchnā hai
unheñ pahāḌ se girne kā ġham nahīñ hotā

chamakte chāñd bhī the shahr-e-shab ke aivāñ meñ
nigār-e-ġham sā magar koī sham.a-rū na milā

duā kā shāmiyāna bhī nahīñ hai ab to sar par
so ḳhud ko hiddat-e-ġham meñ jhulastā dekhnā hai

unhīñ ko jalva-rezī ban ga.ī thī chāñdnī ġham kī
ufuq pe dil kī vo chamkā kiye māh-e-azā ho kar

shām-e-va.ada hai agar ab bhī na vo aa.e to phir
aur is ġham meñ jo dhaḌkan dil kī ruk jaa.e to phir

yuuñ to ġham ziist ko be-rañg banā detā hai
dil-jaloñ kā yahī sarmāye magar hai ai dost

dabī huī hai jo sadiyoñ se ġham kī chiñgārī
bhaḌak uThe to ḳhayāloñ kī anjuman mahke

milā na tū to ġham-e-zindagī ke dīvāne
idhar hī lauT paḌe maiñ terā patā jo huā

chāñd bādal kī oT se nikle
ġham ye saare naqāb ho jaa.eñ