Tags-Gham

ġham-e-husain meñ rotā hai lā nahīñ kahtā
vo jis kā jism adū ke tabar se chuur nahīñ

chāñd bhī niklā sitāre bhī barābar nikle
mujh se achchhe to shab-e-ġham ke muqaddar nikle

nahīñ lauh-e-mazār-e-raftgān-e-shahr-e-ḳhāmoshāñ
ġham-e-furqat kā rakh kar so rahe haiñ sañg siine par

ġham bik rahe the mele meñ ḳhushiyoñ ke naam par
māyūs ho ke lauTe haiñ har ik dukāñ se ham

merā ġham saarī kā.enāt kā ġham
maiñ nahīñ jāntā najāt kā ġham

jin kī ḳhātir ye umr guzrī hai
un ko hotā hai baat baat kā ġham

maiñ to haarā huuñ jiit kar tum ko
kyā miTegā kabhī ye maat kā ġham

ab to huuñ maiñ machine kā purza
hai kahāñ mujh ko apnī zaat kā ġham

ḳhvāhishoñ ke ġhulām haiñ ham sab
phir bhī ham ko hai ḳhvāhishāt kā ġham

bas meñ raheñ na jab ġham-e-daurāñ kī vus.ateñ
ham log apne gosha-e-dil meñ simaT ga.e

ek sūkhā huā shajar 'jīnā'
ġham ne tere harā-bharā rakkhā

kam ho kaise in ḳhushiyoñ se terā ġham
lahroñ meñ kab bahtā hai naddī kā chāñd

shab-e-ġham ke ye andhere mirā saath de rahe haiñ
jo miTā.e zulmatoñ ko vo sahar kahāñ se lā.ūñ

ġham-e-jahāñ ke fasāne talāsh karte haiñ
ye fitna-gar to bahāne talāsh karte haiñ

fareb ġham hī sahī dil ne aarzū kar lī
burā hī kyā hai agar terī justujū kar lī

ġhalat hai jazba-e-dil par nahīñ koī ilzām
ḳhushī milī na hameñ jab to ġham kī ḳhū kar lī

ḳhush bhī ho lete haiñ tere be-qarār
ġham hī ġham ho ishq meñ aisā nahīñ

mujhe to ġham bhī panah zaad hī lage ab to
ki aa nikaltī hai hasrat bhī sair-e-mizhgāñ ko

rah-e-ishq meñ ġham-e-zindagī kī bhī zindagī safarī rahī
kabhī nazr-e-ḳhāk-e-safar rahī kabhī motiyoñ se bharī rahī

dil-e-ġham-zada pe guzar gayā hai vo hādsa ki mire liye
na to ġham rahā na ḳhushī rahī na junūñ rahā na parī rahī