Tags-Gham

ab taraddud hai ta.ammul hai ta.assuf hai tamām
taab thī ġham meñ tamannā thī fuġhāñ meñ pahle

sukūt-e-bahr meñ kis ġham kā raaz pinhāñ thā
bas ek mauj uThī aur aañkh bhar aa.ī

dekhiye hotī hai kis tarah shab-e-ġham kī sahar
ab to ai dard-e-jigar koī duā yaad nahīñ

dil phir bhī aa gayā ġham-e-daurāñ ke pher meñ
har-chand maslahat ne baḌī dekh-bhāl kī

ġham haiñ jitne bhī is zamāne ke
merī ik aah meñ paḌe hue haiñ

bharosā kyā hai dil kā bahr-e-ġham meñ
Dubo deve na ye zoraq kisī ko

Thahrā.ī hai ab hāl-e-ġham-e-dil ne ye sūrat
mastī kī tarah dīda-e-mai-nosh meñ rahiye

vāda-e-vasl hai lazzat-e-intizār uThā
aur phir umr bhar ik ġham-e-e'tibār uThā

us kā ġham mere dil meñ hai ab bāñsurī kī tarah
naġhma-e-dard se zaḳhma-e-iḳhtiyār uThā

maiñ uThā to falak se bahut chāñd taare gire
aur sahrā-e-jāñ meñ bahut ġham-e-ġhubār uThā

fikr-e-ġham-o-ālām 'rishī' hai goyā naam judā.ī kā
un kī mahfil meñ kab dil ko fikr-e-ġham-o-ālām huī

mere āñgan meñ kyā ḳhushī aa.e
sāmne ġham kā jaal rakkhā hai

ye mish.al-e-ḳhvāb bhī na 'sājid' kisī sitāre kī pesh-rau ho
ki mere siine meñ ek ġham ne numūd paa.ī hai aarzū se

ham-āġhoshiyāñ shāhid-e-mehrbāñ kī
zamāne ke ġham bhuul jaane kī rāteñ

paiham ġham-e-firāq se ghabrā gayā hai dil
kuchh imtiyāz-e-shām-o-sahar chāhtā huuñ maiñ

jo sitam-zadoñ kā yā-rab koī ġham-gusār hotā
to ġham-e-hayāt itnā na diloñ pe baar hotā

sā.at-e-aish ke armāñ kā natīja ma.alūm
ġham se dāman ko chhuḌāne meñ baḌā vaqt lagā

faisla hasb-e-tabī.at ye mohabbat ne kiyā
ik tarah ġham ho salāmat ġham-e-duniyā jaa.e

tumhāre ġham ko meñ dil se lagā ke rakhtā huuñ
yahī to hai jo mujhe bā-vaqār kartā hai

maiñ ḳhud hī hotā huuñ apnī nashāt kā baa.is
so mujh ko ḳhud mire ġham kī asaas honā hai