Tags-Gham

tere ba.ad apnā mashġhala
ġham kī dekh-bhāl rah gayā

kise batā.ūñ ki ġham kyā hai sarḳhushī kyā hai
abhī zamāne kā me.ār-e-āgahī kyā hai

maiñ ne har ġham meñ tirā saath diyā hai ab tak
terī har taaza masarrat pe huā huuñ masrūr

yuuñ māyūs nahīñ hote haiñ koī na koī ġham
achchhe achchhoñ ko har aan uThānā paḌtā hai

ġham-e-roz-o-shab kī amiin hai ye hayāt phir bhī hasīn hai
kahīñ dhuup āriz-e-dost kī kahīñ saaye gesū-e-yār ke

koī na chāhne vaalā thā husn-e-rusvā kā
dayār-e-ġham meñ rahā dil ko paas duniyā kā

ham aaj rāh-e-tamannā meñ jī ko haar aa.e
na dard-o-ġham kā bharosā rahā na duniyā kā

har manzil thī dil kī manzil jab dil ko ġham-e-manzil na rahā
har kūcha kūcha-e-jānāñ thā jab kūcha-e-jānāñ bhuul ga.e

ḳhizr-e-manzil na thā ibn-e-mariyam na thā
ġham jahāñ thā koī shāmil-e-ġham na thā

dil ko apnī tabāhī kā kuchh ġham na thā
us kī āñkhoñ kā irshād mub.ham na thā

dene vaale ne terā ġham de kar
haa.e kitnī baḌī sazā dī hai

'nadīm' apnī adā aisī hai jis ke sāmne aa kar
ḳhushī mad.hosh ho jaatī hai aur ġham raqs karte haiñ

kahūñ kis se maiñ ki kyā hai shab-e-ġham burī balā hai
mujhe kyā burā thā marnā agar ek baar hotā

dil rahīn-e-ġham-e-jahāñ hai aaj
har nafas tishna-e-fuġhāñ hai aaj

ġham kī har mauj mauj-e-tūfāñ-ḳhez
dil kā aalam habāb kā aalam

sunñe vaale hī pe hai munhasir andāza-e-ġham
varna jo haal hai vo kis se bayāñ hotā hai

ġham meñ rotā huuñ tire sub.h kahīñ shaam kahīñ
chāhne vaale ko hotā bhī hai ārām kahīñ

tirī yaad meñ kab qayāmat na TuuTī tire ġham meñ kab hashr barpā na dekhā
ba-juz ik nigāh-e-masīhā-nafas ke mohabbat ke māroñ ne kyā kyā na dekhā

ab un kā taqāza hai kahānī nahīñ kahte
jab qissa-e-ġham ham se sunāyā nahīñ jaatā

madavā-e-ġham kuchh to karnā hī thā
musībat paḌī gungunāne lage