Tags-Gham

is jabr kā ai ahl-e-jahāñ naam koī hai
kulfat meñ bhī ārām hai ġham meñ bhī ḳhushī hai

yuuñ to iḳhfā-e-ġham kā namūna haiñ ham
dūsroñ ke liye haat malte bhī haiñ

vo ek ġham ki sahārā thā zindagī ke liye
bhulā rahā huuñ use bhī tirī ḳhushī ke liye

na sūrat vasl kī koī na koī hijr kā ġham hai
maiñ ab ke baar kuchh aisī hī vīrānī meñ huuñ yaaro

na ahl-e-haram ne madad kī hamārī na ahl-e-kalīsā ne ġham-ḳhvāriyāñ kiiñ
agar tū bhī tarz-e-taġhāful na chhoḌe kahāñ jaa.eñ phir ham musībat ke maare

na ġham mujh ko girdāb-e-rañj-o-balā kā na muhtāj huuñ maiñ kisī nāḳhudā kā
safīne ko maujoñ kī zad se bachā kar chalā jā rahā huuñ kināre kināre

kohkan koh ko kis vāste kaaTā kartā
dete ġham-ḳhvār na kyā is ke ta.iiñ lā ta.avīz

kab hameñ hājat-e-parhez paḌī
ġham na khāyā thā ki sam yaad aayā

ajal bhī Tal ga.ī dekhī ga.ī hālat na āñkhoñ se
shab-e-ġham meñ musībat sī musībat ham ne jhelī hai

kis ḳhushī kī ḳhabar sunā ke mujhe
ġham kā putlā banā diyā tū ne

ek muddat se dard kam kam hai
jaane kis baat kā mujhe ġham hai

saath huuñ tere ai ġham-e-daurāñ
zulf-e-jānāñ agarche barham hai

ye kyā ki roz ek sā ġham ek sī umiid
is ranj-e-be-ḳhumār kī ab intihā bhī ho

mātam-e-rañj-o-alam ġham haiñ baham chāroñ ek
sitam-o-jaur-jafā nāz-o-sanam chāroñ ek

kyuuñ aa ke mire ġham kā sahārā huī ummīd
imroz kā ġham thā ġham-e-fardā to nahīñ thā

milā hai ab jo ġham mujh ko rahegā umr bhar dil meñ
jo shiddat aaj hai is meñ vo shiddat phir kahāñ hogī

masarrat aur ġham donoñ kī koī had zarūrī hai
kisī bhī ek shai kā silsila achchhā nahīñ lagtā

na ham ko ġham agar aatā mayassar
to lutf-e-zindagī jaane na hote

dil thā baġhal meñ mudda.ī ḳhuub huā jo ġham huā
jaane se us kī in dinoñ ham ko baḌā farāġh hai

bahr-e-ġham meñ hai saḳht tuġhyānī
sar se uupar guzar gayā paanī