Tags-Ghamand

tū sirf merī hai is kā ġhurūr hai mujh ko
agar ye vahm mirā hai to koī baat nahīñ

kahīñ kā ġhussa kahīñ kī ghuTan utārte haiñ
ġhurūr ye hai kāġhaz pe fan utārte haiñ

thā aa.ine meñ shikast-e-ġhurūr-e-yaktā.ī
ki apne aks ke parde meñ hū-ba-hū maiñ thā

iqrār-e-vasl aur vo mast-e-ġhurūr-e-nāz
aayā hai pī ke tū kahīñ ai nāma-bar sharāb

un ke ġhurūr-o-ġhamza-o-nāz-o-adā kī ḳhair
raas aa chalī thī rasm-o-rah-e-āshiqī hameñ

mire dil pe naqsh haiñ aaj tak vo ba-ehtiyāt navāzisheñ
vo ġhurūr o- zabt ayaañ ayaañ vo ḳhulūs o rabt nihāñ nihāñ

ham aur log haiñ ham se bahut ġhurūr na kar
kalīm thā jo tirā naaz sah gayā hogā

us ko baḌā ġhurūr thā mastāna chaal par
Thokar lagī phir aisī kahīñ kā nahīñ rahā

vo ġhurūr-e-hosh-mandī kyā huā
jo qadam paḌtā hai vo bahkā huā

thā tere naaz ko kitnā mirī anā kā ḳhayāl
mirā ġhurūr bhī terā ġhulām kitnā thā

kyuuñ baiThe haath malte ho ab 'yās' kyā huā
is bevafā shabāb par itnā ġhurūr thā

jab husn-e-be-misāl par itnā ġhurūr thā
ā.īna dekhnā tumheñ phir kyā zarūr thā

vo ham ki ġhurūr-e-saf-e-ādā-shiknī the
āḳhir sar-e-bāzār hue ḳhvār bike bhī

kahne lagā ki dekh ke chal raah be-ḳhabar
maiñ bhī kabhū kisū kā sar-e-pur-ġhurūr thā

us kā vo ijz tumhārā ye ġhurūr-e-ḳhūbī
minnateñ un ne bahut kiiñ pa na maanī us kī

ġhurūr-e-ulfat kī tarz-e-nāzish ajab karishme dikhā rahī hai
hamārī rūThī huī nazar ko tirī tajallī manā rahī hai

kal talak pur-ġhurūr aadam thā
aaj musht-e-ġhubār hai kyā hai

is ko ġhurūr-e-ishq ne kyā kyā banā diyā
patthar banā diyā kabhī shīsha banā diyā

ḳhudā.e ishq-o-mohabbat ġhurūr 'nig.hat' dekh
nigāh-e-yār ne tasvīr kar diyā hai mujhe

tire ġhurūr mire zabt kā savāl rahā
bikhar bikhar ke tujhe chāhnā kamāl rahā