Tags-Ghamand

tū hai aur terī nazar meñ ik qayāmat kā ġhurūr
maiñ huuñ aur ik mahshar-e-armān-o-hasrat mere saath

ye kamāñ-kashān-e-zah-e-ġhurūr phireñ haiñ kis kī talāsh meñ
vo jo bāġh-e-jāñ kī bahār the vo basā chuke haiñ qafas qafas

karo kaj jabīñ pe sar-e-kafan mire qātiloñ ko gumāñ na ho
ki ġhurūr-e-ishq kā bāñkpan pas-e-marg ham ne bhulā diyā

ham aur log haiñ ham se bahut ġhurūr na kar
kalīm thā jo tirā naaz sah gayā hogā

ḳhaak meñ milnā hī thā ik din ġhurūr-e-zindagī
ret kī dīvār ko mismār to honā hī thā

āñkhoñ meñ ġhurūr hai kisī kā
kis tarah kisī se dab ke rahiye

isī tarah mirī ā.ankhoñ ko band honā thā
tire ġhurūr kā parcham buland honā thā

yāroñ ko inhirāf kā jis par rahā ġhurūr
vo rāsta bhī dasht-e-rivāyāt hī meñ thā

unheñ ḳhabar karo ki shām-e-hijr aa rahī hai phir
jinheñ vafā-e-ahd par ġhurūr o naaz thā bahut

is husn is shabāb par nāz-o-ġhurūr is qadar
aaj hai aur kal nahīñ aap haiñ kis shumār meñ

havā meñ phirte ho kyā hirs aur havā ke liye
ġhurūr chhoḌ do ai ġhāfilo ḳhudā ke liye

allāh allāh ye kibr aur ye ġhurūr
kyā ḳhudā kā hai dūsrā vaa.iz

bhūle se bhī na hargiz dil meñ ġhurūr aa.e
kirdār bhī ho aisā sab ko surūr aa.e

kartā hai ḳhaak jism-o-jāñ ko ġhurūr aise
sūkhe hue shajar ko khā jaa.e aag jaise

ġhurūr yuuñ hai ki us ke gadāgaroñ meñ huuñ
barā.e ḳhalq maiñ shāh-e-jahāñ huā to kyā

shamīm-e-zulf mushk-e-afshāñ taġhāful sau sitam-sāmāñ
ġhurūr aur nāz-e-be-pāyāñ mizāj aur tab.a nāzuk-tar

ġhurūr-e-husn tujhe jis qadar ho zebā hai
ḳhudā ke fazl se sūrat bhī hai shabāb bhī hai

ġhurūr aur hamārā ġhurūr-e-mohabbat
mah o mehr ko un ke dar par jhukā deñ

tū bhī miTTī kā ek putlā hai
kis liye hai tujhe ġhurūr itnā

mirā ġhurūr mirī vahshatoñ pe haavī hai
kuchh aise vasf se mumtāz kī ga.ī huuñ maiñ