Tags-Ghamand

mirā ġhurūr na kyuuñ ho surūr se ḳhālī
jab us ke bhes meñ ik chor kam-tarī kā ho

adā aa.ī jafā aa.ī ġhurūr aayā hijāb aayā
hazāroñ āfateñ le kar hasīnoñ par shabāb aayā

dar-e-ḳhalq par jhukā hai na jhukegā tā qayāmat
sar-e-'josh' meñ bharā hai vo ġhurūr-e-kibriyā.ī

mirī chāhatoñ meñ ġhurūr ho dil-e-nā-tavāñ meñ surūr ho
tumheñ ab ke khānā hai vo qasam ki fareb meñ bhī yaqīn ho

ġhurūr-e-tishna-sāqī bhī hai koī shai saaqī
taqāzā ham nahīñ karne ke jaam jaam ke ba.ad

Thes ġhurūr ko lagī qahr banī nigāh-e-lutf
qahr bhī zid se to amaañ jis ko zavāl hī na ho

kabhī hayā unheñ aa.ī kabhī ġhurūr aayā
hamāre kaam meñ sau sau tarah futūr aayā

ab to ġhurūr-e-husn hai aisā butāñ tumheñ
mutlaq mahall-e-ḳhauf nahīñ hai ḳhudā se bahs

kisī surāġh se kamre meñ nuur utregā
zarūr añdheroñ kā ik din ġhurūr utregā

maiñ ne sadā rakhīñ yahīñ qatroñ sī fitrateñ
maiñ aaj tak ġhurūr kā dariyā nahīñ huā

har ḳhvāb-e-e'tibār shikastoñ se chuur hai
dil meñ magar ġhurūr-e-tamannā ajiib hai

ġhurūr toḌnā maiñ chāhtā huuñ dariyā kā
badal de tū mirī luknat ko ab ravānī se

jis ne dī āḳhir ġhurūr-e-husn-e-yūsuf ko shikast
allāh allāh hausla is dast-e-dāman-gīr kā

mujhe to apnī pyaas kā shu.ūr thā ġhurūr thā
vo ek ghūñT baḌh ke yuuñ furāt kaise ho gayā

ġhurūr-e-sub.h kyā mujh ko dikhātā
lahū kī shaam meñ maiñ dīdanī thā

āñkhoñ kā thā qusūr na dil kā qusūr thā
aayā jo mere sāmne merā ġhurūr thā

unheñ ġhurūr ki rakhte haiñ tāqat o kasrat
hameñ ye naaz bahut hai ḳhudā hamāre liye

kam-zarf pur-ġhurūr zarā apnā zarf dekh
mānind josh-e-ġham na ziyāda ubal ke chal

tire ġhubār-e-kaf-e-pā kī kaj-kulāhī meñ
ġhurūr-o-naḳhvat-e-dastār toḌ dī maiñ ne

TūTtā kab tak na āḳhir aise taa.ir kā ġhurūr
noch kar sayyād jis ke bāl-o-par tak le ga.e