Collections

Lab Shayari

Motivational Ghazals

Best Khamoshi Shayari

More Collections

Tags-Ghar

phir vahī kunj-e-qafas hai vahī sayyād kā ghar
chaar din aur havā baaġh kī khā le bulbul

phir wahi kunj-e-qafas hai wahi sayyaad ka ghar

ghar ke laboñ pe aaj tak aayā na ye savāl
ho kar kahāñ se aa.e ho kyā thak ga.e ho tum

KHwabon ke aasre pe bahut din jiye ho tum

bahlā na dil na tīrgī-e-shām-e-ġham ga.ī
ye jāntā to aag lagātā na ghar ko maiñ

bahla na dil na tirgi-e-sham-e-gham gai

sab mastiyoñ meñ pheñko na patthar idhar udhar
dīvāno! is dayār meñ shīshe ke ghar bhī haiñ

sab mastiyon mein phenko na patthar idhar udhar

roktā huuñ kabhī shoḳhī se to har tifl-e-sarishk
ro ke kahtā hai abhī ghar se nikal jā.ūñgā

ai junun hath ke chalte hi machal jaunga

bayābāñ-zād koī kyā kahe ḳhud be-makāñ hai
samundar ai samundar terā apnā ghar kahāñ hai

bayaban-zad koi kya kahe KHud be-makan hai

mujh se to dil bhī mohabbat meñ nahīñ ḳharch huā
tum to kahte the ki is kaam meñ ghar lagtā hai

mujhse to dil bhi mohabbat mein nahin KHarch hua

ek hañgāme pe mauqūf hai ghar kī raunaq
nauha-e-ġham hī sahī naġhma-e-shādī na sahī

na hui gar mere marne se tasalli na sahi

na ratjagoñ ke haiñ charche na koī ġham kā alaao
sambhal ke aa.e zarā ghar meñ Doltī huī raat

faza mein karb ka ehsas gholti hui raat

kahāñ se lā.eñge sabr-o-sukūn ke lamhe
ki mere ghar meñ hai kohrām taultī huī raat

faza mein karb ka ehsas gholti hui raat

mohazzab shahr ke lambe safar se luuT aayā huuñ
salīqa zindagī kā ghar kī vīrānī meñ rakkhā hai

naya lahja ghazal ka misra-e-sani mein rakkha hai

hamāre ghar ke āñgan meñ sitāre bujh ga.e lākhoñ
hamārī ḳhvāb gāhoñ meñ na chamkā sub.h kā sūraj

hamare ghar ke aangan mein sitare bujh gae lakhon

nikal ke ḳhud se shanāsā.ī kī nazar DhūñDo
jo log ghar meñ rahe dūsroñ se duur rahe

nagar mein rahte the lekin gharon se dur rahe

dasht kī ḳhaak bhī chhānī hai
ghar sī kahāñ vīrānī hai

dasht ki KHak bhi chhani hai

dekh kar mere hālāt degī vo ro
milne vāpas agar maañ se ghar maiñ gayā

chhoD un ko na jaane kidhar main gaya

isī manzar ke pīchhe aur bhī dhuñdle se manzar haiñ
purānī gum-shuda tahzīb ke ghar haiñ

ayodhya! main aa raha hun

paḌā hai phuul ghar meñ kaahe ko 'mīr'
jhamak hai gul kī barq-e-āshiyāñ hai

falak karne ke qabil aasman hai

baiThā hai udaas ghar meñ tanhā
jaise koī us ko DhūñDhtā hai

chehra to chamak damak raha hai

terī yādeñ to charāġhoñ kī qatāreñ ban ga.iiñ
pahle bhī ghar meñ ujālā thā magar aisā na thā

pyas ke bedar hone ka koi rasta na tha

tum se ābād hai ye tanhā.ī
tum hī raushan ho ghar ke jāloñ meñ

ab jo lauTe ho itne salon mein