Tags-Ghar

ḳhamosh kyā huī buḌhiyā safed bāloñ kī
kahāniyoñ kī koī raat phir na ghar aa.ī

hājiyo hai ham ko ghar vaale se kaam
ghar ke mehrāb o sutūñ se kyā ġharaz

o jaane vaale aa ki tire intizār meñ
raste ko ghar banā.e zamāne guzar ga.e

kyā lā.iq-e-sitam bhī nahīñ ab maiñ dosto
patthar bhī ghar meñ aa.e zamāne guzar ga.e

ab ghar bhī nahīñ ghar kī tamannā bhī nahīñ hai
muddat huī sochā thā ki ghar jā.eñge ik din

is zamāne meñ jahālat se guzar hotī hai
ab hunar se to koī ghar ko chalāne se rahā

jaatī huī laḌkī ko sadā denā chāhiye
ghar ho to burā kyā hai pata denā chāhiye

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

muddat se koī aayā na gayā sunsān paḌī hai ghar kī fazā
in ḳhālī kamroñ meñ 'nāsir' ab sham.a jalā.ūñ kis ke liye

havā-e-hirs-o-havas se mafar bhī karnā hai
isī daraḳht ke saa.e meñ ghar bhī karnā hai

chal aa tujhe kisī mahfūz ghar meñ pahuñchā duuñ
phir is ke baad mujhe to safar bhī karnā hai

tamām din to lahū chāTtā rahā sūraj
huī hai shaam chalo apne apne ghar jaa.eñ

na niklā vahm ke maare vo ghar se bhī 'sayyah'
galī se yaar ke tābūt jab mirā niklā

chhoḌā na rashk ne ki tire ghar kā naam luuñ
har ik se pūchhtā huuñ ki jā.ūñ kidhar ko maiñ

lo vo bhī kahte haiñ ki ye be-nañg-o-nām hai
ye jāntā agar to luTātā na ghar ko maiñ

apne dīvār-o-dar se pūchhte haiñ
ghar ke hālāt ghar se pūchhte haiñ

sub.h hote vo ghar ga.e apne
ab nikalne kā āftāb nahīñ

insāf jo nādār ke ghar tak nahīñ pahuñchā
samjho ki abhī haath samar tak nahīñ pahuñchā

abr kyā ghir ghir ke aayā khul gayā
bas sabāt-e-bahr-e-duniyā khul gayā

dil meñ haiñ vasl ke armān bahut
jam.a is ghar meñ haiñ mehmān bahut