Tags-Ghar

hai bojh tan-e-ḳhasta kā dīvār-e-nafas par
goyā ki mire ghar kā sutūñ mauj-e-havā hai

mandir masjid girja-ghar aur gurū-dvāra
lafz ka.ī haiñ ek ma.ānī ham donoñ

shaam tere dayār meñ āḳhir
koī to apne ghar gayā hogā

adā o naaz suuñ aatā hai vo raushan-jabīñ ghar suuñ
ki jyuuñ mashriq suuñ nikle āftāb āhista āhista

sañvārtī rahī ghar ko magar ye bhuul ga.ī
ki muḳhtasar hai ye arsa yahāñ sukūnat kā

havā ke dosh pe kis ke payām aate haiñ
hamāre ghar ke dar-o-bām mahke jaate haiñ

jo din hai ḳhāk-e-bayābāñ jo raat hai jañgal
vo be-panāh mire ghar se hai ziyāda kyā

shab Dhalī mahfil uThī ab ghar chaleñ
har taraf hai ḳhāmushī ab ghar chaleñ

DhūñDte ho kyā ḳhushī ab ghar chaleñ
mil chuke haiñ ġham ka.ī ab ghar chaleñ

dekh kar sahrā meñ ḳhvāb-e-gulsitāñ
thak chukī hai rah-ravī ab ghar chaleñ

jal uThā dil meñ charāġh-e-āgahī
raah kuchh raushan huī ab ghar chaleñ

nāḳhudā laayā ki laayā hai ḳhudā
naav sāhil par lagī ab ghar chaleñ

koī to 'bebāk' hogī muntazir
maut ho yā zindagī ab ghar chaleñ

apne apne ḳhauf-ghar meñ log haiñ sahme hue
dā.ere se khīñch kar nuqte ko kyuuñ laayā gayā

jahāñ kahīñ bhī gayā huuñ to ghar ko lauT aayā
udāsiyoñ kā ye māhaul raas aisā thā

ham saare schōl ke bachche
chiḌiyā ghar kī sair ko pahuñche

chalī jaatī hai un ke ghar mirī niiñd
jā ke phir rāt-bhar nahīñ aatī

jab tak aa.e na koī chāñd sī shakl
shab-e-mah mere ghar nahīñ aatī

shaam parinde lauT aa.e to ham tirī khoj meñ chal nikle
phir jañgal meñ raat huī aur ghar kā rasta bhuul ga.e

ḳhvāb kī bastī meñ afsāne kā ghar
sham.a kī lau par hai parvāne kā ghar