Tags-Ghar

ban ga.e āḳhir harīf-e-bāl-o-par
daam kī dīvār aur daane kā ghar

aap bhī sañg-e-ta.aqqul pheñkiye
ā.ina-ḳhāna hai dīvāne kā ghar

maiñ junūn-e-ishq aur sahrā-e-ġham
tū adū kī bazm begāne kā ghar

aql-o-dānish ilm-o-irfāñ fikr-o-hosh
kin hisāroñ meñ hai farzāne kā ghar

ho ga.e gumrāh kuchh merī tarah
DhūñDte haiñ shaiḳh paimāne kā ghar

qismat-e-'tarzī' yahī jāgīr thī
shahr-e-ġham kahiye ki vīrāne kā ghar

karnā ho jise ki ḳhāna vīrāñ
dil meñ tire vo ghar karegā

TuuTe paimāne shikasta jaam aur tanhā.iyāñ
apne ghar jaisā hī ab lagtā hai mai-ḳhāna mujhe

saare jahāñ kī ḳhaak ko ham chhānne ke ba.ad
lauTe to dekhā apnā ghar ab apnā ghar na thā

maiñ jahāñ meñ kisī aa.iin kā pāband nahīñ
mere ghar aap hī qānūn Dhalā kartā hai

dil chīnne vaale koī ghar baiTh raheñ haiñ
pūchheñ haiñ yahī rasta-e-bāzār kidhar hai

mohabbat aur havas
ghar ke badriyā aa.ī kaalī

jigar meñ dard dil meñ Tiis dam ghuTne lagā apnā
bhalā ham ek ghar meñ aur do bīmār rahne deñ

jab se pahchān meñ nahīñ huuñ maiñ
ghar ke dālān meñ nahīñ huuñ maiñ

jism ko kaun ghar meñ rakhtā hai
jism huuñ jaan meñ nahīñ huuñ maiñ

mahñge ghar meñ rahte haiñ
barf ke jaise ThanDe log

ghar meñ sahrā hai to sahrā ko ḳhafā kar dekho
shāyad aa jaa.e samundar ko bulā kar dekho

ham apne hī ghar meñ rahte the jab terī nazar meñ rahte the
ab roz satātī hai ham ko ai dost vatan meñ be-vatanī

bazm meñ tum khul rahe the baiThe dekh ham ko ruk ga.e
gar yuuñ hī raazī ho lo jī uTh ham apne ghar chale

ghar meñ kis kā paañv paḌā
chhat ke jaale utar ga.e