Tags-Ghar

vo ga.e ghar se to phir ham ne bhī ghar ko chhoḌā
ham se dekhī ga.ī dīvār na dar kī sūrat

jis kī ḳhushbū se mahak jaa.e paḌosī kā bhī ghar
phuul is qism kā har samt khilāyā jaa.e

ġhair ke ghar haiñ vo mehmān baḌī mushkil hai
jaan jaane ke haiñ sāmān baḌī mushkil hai

kahīñ zulmatoñ meñ ghir kar hai talāsh-e-dasht-e-rahbar
kahīñ jagmagā uThī haiñ mire naqsh-e-pā se rāheñ

dar-ba-dar hai to kahīñ jī nahīñ lagtā hogā
vo bhī din aa.egā thak-hār ke ghar jā.egā tū

abhī mumkin nahīñ milnā ḳhudā se
abhī to shaiḳh sāhab ghar ga.e haiñ

zamīñ par gir rahe the chāñd taare jaldī jaldī
añdherā ghar kī dīvāroñ se ūñchā ho rahā thā

chhup ke ghar ġhair ke jaayā na karo
rabt har ik se baḌhāyā na karo

vo ghar meñ hai magar kahtā hai koī ghar nahīñ hai
to maiñ bhī aaj vīrāne meñ jā kar so rahā huuñ

nahīñ hai dastaras meñ ab zamīñ kā koī TukḌā
so maiñ kāġhaz pe apnā ghar banā kar so rahā huuñ

vo tajrabe hue ki mire ḳhuuñ kī ḳhair ho
yaaro maiñ apne ghar se judā umr bhar rahā

umr vaise to safar meñ guzrī
likhne baiThe to ise ghar likkhā

ik ghar banā ke kitne jhameloñ meñ phañs ga.e
kitnā sukūn be-sar-o-sāmāniyoñ meñ thā

hai amboh-e-ushshāq iisā ke ghar
marīz itne dārushshifā ek hai

apnā chhoḌā huā ghar yaad aayā
ḳhuld meñ ḳhuld-nazar yaad aayā

raat yuuñ ghaas kī ḳhushbū lipTī
niiñd hī aa.ī na ghar yaad aayā

añdheroñ ko nikālā jā rahā hai
magar ghar se ujālā jā rahā hai

ka.abe se jo but nikle bhī to kyā ka.aba hī gayā jo dil se nikal
afsos ki but bhī ham se chhuTe qabze se ḳhudā kā ghar bhī gayā

mere liye ye dīvār-o-dar jaise haiñ achchhe haiñ
is ghar kī ārā.ish kar ke kise dikhā.ūñgā

mere ghar kā pata
mujh se na pūchho