Tags-Ghar

tire sivā koī shā.ista-vafā bhī to ho
maiñ tere dar se jo uThūñ to kis ke ghar jā.ūñ

bhūle 'panchhī' ho barq ke ghar meñ
āshiyāne kī baat karte ho

phir bahā le jā.egā laavā lahū kā
sañg-dil par ghar kī rakh buniyād taaza

so ke raat kaaTī hai be-kasī ke pahlū meñ
chāñdnī ne dekhā hai mere ghar samāñ apnā

ghar to ab bhī duniyā ke dhuup hī meñ bante haiñ
kyuuñ uThā nahīñ letā saaya āsmāñ apnā

ghar ghar khile haiñ naaz se sūraj-mukhī ke phuul
sūraj ko phir bhī māne-e-dīdār kaun hai

kaun ab us ko ujaḌne se bachā saktā hai
haa.e vo ghar ki jo apne hī makīñ kā na rahā

apne apne ghar jā kar sukh kī niiñd so jaa.eñ
tū nahīñ ḳhasāre meñ maiñ nahīñ ḳhasāre meñ

dhundlā diye the jis ne sabhī ā.īne yahāñ
mere hī ghar se uTThā vo gard-o-ġhubār thā

shab-e-firāq meñ ghar mujh ko kaaTe khātā hai
banā hai ik sag-e-dīvāna har dar-o-dīvār

purkhoñ se chalī aatī hai ye naql-e-makānī
ab mujh se bhī ḳhālī mirā ghar hone lagā hai

kal mere ghar se merā musallā uḌā liyā
mullā bhī e'tibār ke qābil nahīñ rahā

muddat se koī aayā na gayā sunsān paḌī hai ghar kī fazā
in ḳhālī kamroñ meñ 'nāsir' ab sham.a jalā.ūñ kis ke liye

mujhe nādim kiyā kal raat darvāze ne ye kah kar
sharīf insān ghar se der tak bāhar nahīñ rahte

kyuuñ ghir ke ab aa.e haiñ ye bādal ye ghaTā.eñ
ham ne to tujhe der huī yaad kiyā thā

palaT ke shaam ko vāpas pahuñch bhī pā.ūñgā
is ek soch ne ghar se qadam nikālā hai

rokā mujhe aġhyār ko jaane diyā ghar meñ
shikva sag-e-jānāñ se hai darbāñ se gila hai

jo shahr thā vo qarya-e-vīrān hai 'zulfī'
jo ghar thā kisī daur meñ ab rāhguzar hai

rāste shahr ke sab band hue haiñ tum par
ghar se nikaloge to 'maḳhmūr' kidhar jāoge

sunte haiñ us ne DhūñD liyā aur koī ghar
ab tak jo aañkh thī tire dar par lagī huī