Tags-Ghar

palaT ke aa.e ġharīb-ul-vatan palaTnā thā
ye dekhnā hai ki ab ghar kahāñ banāte haiñ

hasrat sī barastī hai dar-o-bām pe har sū
rotī huī galiyāñ haiñ sisakte hue ghar haiñ

chāñd meñ kaise huī qaid kisī ghar kī ḳhushī
ye kahānī kisī masjid kī azaañ se suniye

buniyād mire ghar kī havāoñ pe rakhī hai
DhūñDe se koī sañg-e-sutūñ mil nahīñ saktā

mere hī sañg-o-ḳhisht se ta.amīr-e-bām-o-dar
mere hī ghar ko shahr meñ shāmil kahā na jaa.e

logoñ kā aanā jaanā ma.amūl thā par ab ke
ghar pahle se ziyāda sunsān ho ga.e haiñ

hamārī bastī meñ kahne ko log baste haiñ
makān chāroñ taraf haiñ nahīñ hai ghar koī

hujūm-e-girya se huuñ dar-ba-dar maiñ
ki ghar meñ sar talak paanī khaḌā hai

merī āñkhoñ meñ aañsū pyāre
ghar tumhārā hai tum raho pyāre

gum-karda raah aa.e haiñ vo aaj mere ghar
ai merī āh-e-nīm-shabī tū ne kyā kiyā

ghar meñ kahīñ gunjā.ish-e-dar hī nahīñ rakkhī
buniyād ko kis shak ke sahāre se uThāyā

ghir gayā huuñ be-tarah maiñ ḳhvāhishoñ ke darmiyāñ
jism ke reze uḌātī āñdhiyoñ ke darmiyāñ

jis ghar meñ tire jalve se ho chāñdnī kā farsh
vaañ chādar mahtāb hai makḌī kā sā jaalā

baḌhā aatā hai sail-e-be-yaqīnī har taraf se
to is sailāb meñ kyā merā ghar baaqī rahegā

sar-e-rāh kuchh bhī kahā nahīñ kabhī us ke ghar maiñ gayā nahīñ
maiñ janam janam se usī kā huuñ use aaj tak ye patā nahīñ

pyaar kī jot se ghar ghar hai charāġhāñ varna
ek bhī sham.a na raushan ho havā ke Dar se

uḌte bādal ke ta.āqub meñ phiroge kab tak
dard kī dhuup meñ niklā nahīñ karte ghar se

bhaa.ī bahan schōl ga.e haiñ
abbū ammī ghar meñ nahīñ haiñ

maiñ ḳhālī ghar meñ ghabrātā
koī na merā jī bahlātā

nagar nagar meñ na.ī bastiyāñ basā.ī ga.iiñ
hazār chāhā magar phir bhī apnā ghar na banā