Tags-Ghar

dar-e-ka.aba pe jab sajde kiye āvāz ye aa.ī
butoñ kī Thokareñ khā kar tujhe sūjhā hai ghar merā

guzar kar ḳhāna-e-dil se baḌhūñ kyuuñ tuur kī jānib
ki barq-e-husn se jalne ko hai maujūd ghar merā

vahshat se merī yaaro ḳhātir na jam.a rakhiyo
phir aave yā na aave nau pur uThā jo ghar se

be-tāqatī ne dil kī āḳhir ko maar rakhā
aafat hamāre jī kī aa.ī hamāre ghar se

aayā thā shab ko chhup ke vo rashk-e-chaman so aah
phailī ye ghar meñ bū ki mohalla mahak gayā

ishq-e-but ka.aba-e-dil meñ hai ḳhudāyā jab se
terā ghar bhī mujhe but-ḳhāna nazar aatā hai

āñkheñ thakīñ to dil ne sahārā diyā 'fahīm'
ham ne kisī kā aks na.e ghar meñ rakh liyā

vo bāteñ ishq kahtā thā ki saarā ghar mahaktā thā
mirā mahbūb jaise gul thā aur bulbul chahaktā thā

añdherī raat jab sāvan meñ aatī thī to ik bulbul
ḳhudā jaane kahāñ se aa ke mere ghar chahaktā thā

dimāġh un ke tajassus meñ jism ghar meñ rahā
maiñ apne ghar hī meñ rahte hue safar meñ rahā

gul-posh bām-o-dar haiñ magar ghar meñ kuchh nahīñ
ye sab nazar kā nuur hai manzar meñ kuchh nahīñ

parchhā.iyoñ kā naach hai vīrān sahn meñ
āseb-e-shab hai aur mire ghar meñ kuchh nahīñ

bas asāsa hai yahī ghar kā yahī ghar kī matā.a
sofa ik do bed kitābeñ aur ik show kes bhī

kuchh un ghar se nahīñ kam hamārā ḳhāna-e-dil
jo aadmī kā guzar vaañ nahīñ to yaañ bhī nahīñ

ġhair ke ghar bajā rahe ho sitār
tum ne dar-parda ThaaT badlā hai

ghar hamārā phūñk kar kal ik paḌosī ai 'atīq'
do ghaḌī to hañs liyā phir baad meñ royā bahut

ḳhudā uThā.e ye parda-e-ġham jo mil ke ham tum hoñ 'shād' bāham
to kaisī shādī ho ghar meñ pyāre idhar hamāre udhar tumhāre

mujh se aise vāmānda-e-jāñ ko bistar-vistar kyā
pal do pal ko muuñd luuñ āñkheñ varna ghar-var kyā

le uḌiiñ zard havā.eñ mire ghar se ḳhushbū
bām-o-dar kyā haiñ darīcha mire kis kaam kā hai

ajiib log haiñ mismār kar ke shahroñ ko
basā rahe haiñ ḳhalāoñ meñ jā ke ghar apne