Tags-Gulshan

mausam kī havā.eñ gulshan meñ jaadū kā amal kar jaatī haiñ
rūdād-e-bahārāñ kyā kahiye shabnam bhī bahut sho.ale bhī bahut

tumhī sardār ho gulshan ke ye batlā denā
koī ham-sar ho to dīvār meñ chunvā denā

barq-e-gulshan meñ paḌī kis ke tabassum se sabā
jo na jhulsā hove aisā āshiyāñ koī nahīñ

duniyā se 'yās' jaane ko jī chāhtā nahīñ
allāh re husn gulshan-e-nā-pā.edār kā

jab āshiyāne jal ga.e tab ham-navā hue
gulshan meñ is se pahle koī boltā na thā

jahān-e-rañg-o-bū kitnā hasīñ hai
ye gulshan rashk-e-firdaus-e-barīñ hai

jal rahā hai koī gulshan shāyad
ashk āñkhoñ meñ sharar lagte haiñ

ik roz jo gulshan meñ vo jān-e-bahār aa.e
kaliyoñ pe shabāb aa.e phūloñ pe nikhār aa.e

bāġh-e-hurūf-o-gulshan-e-ma.anī meñ dekhnā
kis ne ye ḳhāmushī ke na.e gul khilā diye

gulshan-e-ḳhuld kī kyā baat hai kyā kahnā hai
par hameñ tere hī kūche meñ paḌā rahnā hai

ye vāqi.a hai ki is baar to bahār ke ba.ad
khilā hai gulshan-e-ummīd aur kamāl khilā

gul-o-sarv-o-saman gir jā.eñge mat sair-e-gulshan kar
milā mat ḳhaak meñ un baaġh ke rā.anā javānāñ ko

kuchh aisī adāoñ se gulshan meñ bahār i
shabnam ne ġhazal chheḌī phūloñ ko hañsī i

parī-rūyān-e-gulshan suuñ le aa.ī sīm-o-zar nargis
nazar-bāzāñ bajā ginte haiñ us kuuñ māldāroñ meñ

ḳhatm gulshan pe nahīñ 'zeb' bahāroñ kī hadeñ
mausam-e-gul meñ bayābān badal jaate haiñ

gulshan meñ to guloñ kā kahīñ naam tak nahīñ
ye bāġhbāñ ke haath meñ ghoiyāñ hai ġhāliban

laboñ par pyaas ho to aas ke bādal bhare rakhiyo
sarāboñ ke safar meñ is tarah gulshan hare rakhiyo

na rahnā chāhiye gulshan meñ mar.ūb-e-ḳhizāñ ho kar
ki ham se aaj rañg-e-gulistāñ kuchh aur kahtā hai

gar chāhe gulshan-e-dil-e-pur-dāġh kī bahār
tū tuḳhm-e-ashk jitne ki ai diida bo sake

qad tirā sarv-e-ravāñ thā mujhe ma.alūm na thā
gulshan-e-dil meñ ayaañ thā mujhe ma.alūm na thā