Tags-Gulshan

har gul meñ dekhtā ruḳh-e-lailā vo aañkh se
afsos qais dasht se gulshan nahīñ gayā

ik mausam hare parindoñ kā vo sard havā kā rizq huā
ik gulshan ḳhālī peḌoñ kā aur ham sab is meñ rahte haiñ

gulshan-e-vasl meñ rahtā huuñ ġhazal-ḳhvān-e-firāq
andalīb-e-gul-e-ruḳhsār huuñ kin kā un kā

dimāġh de jo ḳhudā gulshan-e-mohabbat meñ
har ek gul se tire pairahan kī bū aa.e

rangīnī-o-ḳhush-pairahnī hai mire dam se
gulshan meñ kalī tum meñ nasīm-e-saharī huuñ

gulshan meñ kaun bulbul-e-nālāñ ko de panāh
gulchīñ o bāġhbāñ bhī haiñ sayyād kī taraf

kyuuñ dekhiye na husn-e-ḳhudā-dād kī taraf
lāzim nazar hai gulshan-e-ījād kī taraf

dekh kaliyoñ kā chaTaknā sar-e-gulshan sayyād
sab kī aur sab se judā apnī Dagar hai ki nahīñ

gaate haiñ murġhān-e-gulshan peñg detī hai sadā
jabki jhūlā jhūltā hai yaar qiasar-bāġh meñ

vo ḳhush-dahan kī judā.ī señ narm gulshan meñ
har ek ġhuncha hai rañg-e-malāl kā shīsha

jinheñ gulshan meñ Thukrāyā gayā hai
unhī phūloñ ke afsāne raheñge

ruḳhsār-e-bahārāñ pe chamaktī huī surḳhī
kahtī hai ki gulshan meñ abhī sub.h huī hai

shabnam-afshānī-e-gulshan hai dam-e-sub.h hanūz
lāla-o-gul pe vo ashkoñ kā kafan hai ki jo thā

is kār-e-numāyāñ ke shāhid haiñ chaman vaale
gulshan meñ bahāroñ ko laa.e the hamīñ pahle

gulshan bhī sajā.e haiñ is ne ye jhalkā hai shamshīr meñ bhī
insāñ ke lahū kā khel huā taḳhrīb meñ bhī ta.amīr meñ bhī

shāḳh-e-gul thī titliyoñ ke par bhī the
gulshan-e-dil be-amāñ aisā na thā

apnī apnī sab dikhāte haiñ bahār
gul bhī gulshan se chale bāzār ko

dil meñ ik vīrāna le kar gulshan gulshan jaate haiñ
aas lagā kar ham phūloñ se kyā kyā ḳhaak uḌāte haiñ

farishte jannat ko le chale the pa tere kūche meñ ham jo pahuñche
machal ga.e un se kah ke chhoḌo hameñ yahī gulshan-e-iram hai