Tags-Gulshan

shādāb ho rahā thā ismat kā jin se gulshan
qaa.il haiñ jin kī ismat ke dost aur dushman

gulshan jahāñ jahāñ haiñ vahīñ bijliyāñ bhī haiñ
jaa.eñ nikal ke duur kahāñ āsmāñ se ham

gulshan gulshan sho.ala-e-gul kī zulf-e-sabā kī baat chalī
harf-e-junūñ kī bañd-e-girāñ kī jurm-o-sazā kī baat chalī

chhalkā hai kahīñ shīsha Dhalkā hai kahīñ aañsū
gulshan kī havāoñ meñ naġhma bhī hai mātam bhī

'saudā' churā chukā hī thā gulshan meñ gul ko maiñ
qismat ko apnī kyā kahūñ pattā khaḌak gayā

ye chehra hai gul hai ye gulshan hai kyā hai
saverā hai shabnam hai darpan hai kyā hai

na ab sayyād kā khaTkā na ab gulchīñ kā andesha
karam ne bāġhbāñ ke phūñk Daalā mere gulshan ko

sair-e-gulshan se jo fursat ho idhar bhī dekho
rañg-e-gul dekh chuke dāġh-e-jigar bhī dekho

māñgte phirte haiñ gul ḳhāroñ se chhāñv
kyā se kyā dastūr-e-gulshan ho gayā

mahkoñ gulshan gulshan meñ
mausam pe chhā jaanā tum

phir bahār aa.ī hai gulshan kā nazāra kar lo
varna ye vaqt suhāna bhī badal jā.egā

ḳhushbū na jin kī phaile fazāoñ meñ chār-sū
gulshan meñ aise phūloñ kī kuchh aabrū nahīñ

is gulshan-e-hastī meñ ajab diid hai lekin
jab chashm khulī gul kī to mausam hai ḳhizāñ kā

hañsne kā tarīqa paidā kar rone kā salīqa paidā kar
hañs phuul kī sūrat gulshan meñ ro sham.a kī sūrat mahfil meñ

ayaañ afsurdagi-e-gul se hai anjām gulshan kā
magar ḳhūn-e-dil-e-bulbul hai sarf-e-āshiyāñ ab tak

dāman ko bachā bhī leñ shāyad sahrā ke nukīle kāñToñ se
gulshan ke magar gul-hā-e-sharar-andām se bachnā mushkil hai

vo jo gulshan meñ mire ġham kā mudāvā na huā
chāñd niklā to use yaad kiyā zindāñ meñ

kaise aa pahuñchī hai gulshan kī havā zindāñ meñ
dil kā jau zaḳhm thā ik phuul banā zindāñ meñ

apnī tārīḳh ke aurāq ulaTnā haiñ agar
gulshan-e-aish pe taptā huā sahrā rakh do

ḳhizāñ ke daur meñ dekhī bahut gulshan kī barbādī
magar ab mausam-e-gul meñ ḳhizāñ aa.ī to kyā hogā