Tags-Gulshan

bas-ki har kāñTe se dil chhed ek bulbul mar rahe
ho gayā gulshan ḳhizāñ meñ bulbulistāñ al-ayāz

aur ḳhurāsāñ asfahān īrān aur tūrān ko
phir hamāre gulshan-e-hindostāñ ko ishq hai

vo jo haiñ is gulshan-e-hastī meñ ab mahv-e-fanā
un ke aage mausam-e-bād-e-ḳhizāñ ko ishq hai

dil to gulchīñ hai tere gulshan kā
le ke gul-rū hazār kyā kiije

ai 'nasīm' gulshan meñ jab bahār ke din the
dosh par fazāoñ ke merā āshiyānā thā

sayyād dāġh-e-dil na samajhnā ki chalte vaqt
gulshan ke phuul laayā huuñ do-chār dekh kar

phūloñ ko tabassum kī adā tujh se milī hai
gulshan ko junūñ-ḳhez havā tujh se milī hai

gulshan-e-dil abhī shādāb hai pazhmurda nahīñ
mausam-e-ġham ne use kitnā harā rakkhā hai

'dāġh' o 'majrūh' ko sun lo ki phir is gulshan meñ
na sunegā koī bulbul kā tarāna hargiz

jo ghar ujaḌ ga.e un kā na rañj kar pyāre
vo chāra kar ki ye gulshan ujaaḌ sā na lage

bulbul ke hosh nik.hat-e-gul kī tarah uḌā
gulshan meñ mere saath zarā itr mal ke chal

ehsās ke jañgal meñ ik aag bhaḌaktī hai
jhoñke kisī gulshan meñ haiñ raqs-kunāñ lū ke

sañg-e-ḳhūñ-ālūda ko samjhe haiñ ye gulshan kā phuul
toḌ kar sar tere dīvāne haiñ kyā patthar se ḳhush

bait-bahsī na kar ai fāḳhta gulshan meñ ki aaj
misra-e-sarv se mauzūñ hai mirā misra-e-āh

jo chashm-e-anjām-e-bīñ se dekhā bahār do din hai phir ḳhizāñ hai
ma.āl-e-gulshan pe roī shabnam hañse gul-e-tar jo khil-khilā kar

sehn-e-gulshan meñ aap kī hastī
shāḳh par ek gulāb jaisī hai

huā ke ruḳh se pur-ummīd thā bahut gulshan
par ab ke bhī shajar be-samar nasīb huā

gulshan se mujh tak aane meñ havā ke haath
jaane kitne phuul masal kar aate haiñ

junūñ kī manzileñ āsāñ nahīñ ye soch lenā
ka.ī gulshan paḌeñge tum ko vīrāne se pahle

aise bedard hue ham bhī ki ab gulshan par
barq girtī hai to zindāñ meñ jalāte haiñ charāġh