Tags-Gulshan

phuul gulshan meñ mor jañgal meñ
sīm-e-sub.h-o-zar-e-masā dekhā

kyuuñ ho ḳhāmosh rafīqān-e-chaman kuchh to kaho
sub.h-e-gulshan bhī na guzre shab-e-zindāñ kī tarah

kal jahāñ phuul khile jashn hai zaḳhmoñ kā vahāñ
dil vo gulshan hai ujaḌ kar bhī jo vīrāñ na huā

qarīb ḳhatm thā gulshan kā kārobār 'zahīr'
rag-e-gulū ko magar intizār-e-ḳhanjar thā

kyā ilaaj us kā agar ho mudda.ā un kā yahī
ehtimām rañg-o-bū gulshan meñ karnā hī nahīñ

ḳhizāñ ke daur meñ gulshan ko kyā mahsūs hotā hai
ye nāzuk baat samjhegā bhī kaise bevafā koī

jaate haiñ gulshan se le o bāġhbāñ
ham agar terī nazar meñ ḳhaar haiñ

chaTak kar dī sadā ġhunche ne shāḳh-e-gul kī jumbish par
ye gulshan hai zarā bād-e-sahar āhista āhista

ġham-e-tabdīlī-e-gulshan kahāñ tak phir ye gulshan hai
qafas bhī ho to ban jaatā hai ghar āhista āhista

vīrānoñ ko gulshan hī banā.eñge 'matīn' ham
khilne zarā ik ġhuncha-e-shādāb to diije

ham ne sahrā ko sajāyā thā gulistāñ kī tarah
tum ne gulshan ko banāyā hai bayābāñ kī tarah

gulshan se phuul chal ke mazāroñ tak aa ga.e
lekin hai bāġhbāñ kī jabīñ par shikan abhī

ye aur baat ki gulshan pe gir paḌe bijlī
kamī to koshish-e-tanzīm-e-gulistāñ meñ nahīñ

jab zaḳhm hoñ siine meñ to phir dard hai kyā chiiz
gulshan meñ mire mauj-e-havā laa.ī bhī kyā hai

gul-o-gulshan se kyā tasallī ho
gul-e-ra.anā nazar nahīñ aatā

phuul buuTe bahut haiñ gulshan meñ
sarv-e-bālā nazar nahīñ aatā

mazā to jab hai ki gulshan meñ jashn-e-sho.ala ho
bharī bahār meñ dāġh-e-gulāb khol ke dekh

kab merā nasheman ahl-e-chaman gulshan meñ gavārā karte haiñ
ġhunche apnī āvāzoñ meñ bijlī ko pukārā karte haiñ

kisī kī be-e'tinā.iyoñ ne badal hī Daalā nizām-e-gulshan
jo baat pahle bahār meñ thī vo baat ab ke baras nahīñ hai

aag hī aag hai gulshan ye koī kyā jaane
kis ne phūñkā hai nasheman ye koī kyā jaane