Tags-Gulshan

gulshan kī faqat phūloñ se nahīñ kāñToñ se bhī zīnat hotī hai
jiine ke liye is duniyā meñ ġham kī bhī zarūrat hotī hai

ab to mas kartī hai jab aise ezār-e-gul se
aisī āvāz se guuñj uThtī hai gulshan kī fazā

josh-e-vahshat kah rahā hai nik.hat-e-gul kī tarah
aaj to dīvār-e-gulshan phāñd jaanā chāhiye

zamāne ke taġhayyur ne kiyā barbād gulshan ko
ḳhizāoñ ko na chain aayā bahāroñ ko na chain aayā

hamāre āshiyāñ tak baat rah jaatī to achchhā thā
jalā jab tak na sab gulshan sharāroñ ko na chain aayā

ahl-e-gulshan the mahv-e-rāmish-o-rañg
haañ magar fikrmand thī ḳhushbū

gulshan-e-hastī meñ ham sāvan ke bādal kī tarah
jhuum kar uTThā kareñ aur TuuT kar barsā kareñ

yaar merā miyān-e-gulshan hai
ġharq-e-ḳhūñ phuul tā-ba-dāman hai

kyā havā phir ga.ī hai gulshan kī
saut-e-bulbul ko zaaġh hañstā hai

shāḳh-e-gulshan pe thā jo Thikāna gayā
us parinde kā to āb-o-dāna gayā

julte haiñ dil bulbuloñ ke āshiyāñ kī tarah se
ātish-e-gul kī hai gulshan meñ pukār ab ke baras

zulm par bāñdhī hai phir sayyād-o-gulchīñ ne kamar
qaid-e-bulbul kī hai gulshan meñ pukār ab ke baras

gulshan se koī phuul mayassar na jab huā
titlī ne rākhī bāñdh dī kāñTe kī nok par

jo haiñ nā-āshnā-e-nazm-e-gulshan
unhīñ ko fā.ede haiñ gulistāñ se

khet tere rashk-e-gulshan dasht tere lāla-zār
tujh ko baḳhshī hai mashiyyat ne bisāt-e-zar-nigār

kyuuñ jaa.e 'najm' aisī fazā chhoḌ kar kahīñ
rahne ko jis ke gulshan-e-hindostāñ mile

nigah-e-garm se gulshan meñ na dekho gul ko
ātish-e-rashk se bulbul ko jalāte na chalo

gulshan gulshan yuuñ phirtī hai chāk-garebāñ phuul kī ḳhushbū
jaise sabā ne phailā dī ho baat kisī dīvāne kī

'mubīn' gulshan-e-hastī meñ aag bhaḌkī hai
junūn-e-shauq ne kyā ḳhuub apnā kaam kiyā