Tags-Gunah

daur kī āshiqī gunāh nahīñ
dekh lete haiñ dekh-bhāl kā kyā

ye aarzū ke sitāre ye intizār ke phuul
chamak rahī haiñ ḳhatā.eñ mahak rahe haiñ gunāh

yuuñ zindagī guzār rahā huuñ tire baġhair
jaise koī gunāh kiye jā rahā huuñ maiñ

māsūmi-e-jamāl ko bhī jin pe rashk hai
aise bhī kuchh gunāh kiye jā rahā huuñ maiñ

dil meñ kisī ke raah kiye jā rahā huuñ maiñ
kitnā hasīñ gunāh kiye jā rahā huuñ maiñ

havas ne toḌ dī barsoñ kī sādhnā merī
gunāh kyā hai ye jaanā magar gunāh ke ba.ad

aur koī gunāh yaad nahīñ
sajda-e-be-ḳhudī ke mujrim haiñ

vo hai baḌā karīm rahīm us kī zaat hai
nāhaq gunāhgāroñ ko fikr-e-najāt hai

jo gard zehn pe thī us ko saaf maiñ ne kiyā
tire gunāh ko aksar muaaf maiñ ne kiyā

kījiye zabah khīñchiye ḳhanjar
lījiye ye gunāhgār aayā

hasīn shakl ko dekhā ḳhudā ko yaad kiyā
kisī gunāh kā dil meñ kahāñ ḳhayāl aayā

'hātim' agar gunāh kare shikva na kar ḳhudā se Dar
fidvī jāñ-nisār hai tū bhī hazār ho na ho

fareb-e-kul hai zamīñ aur namūna-e-azdād
ki ibtidā hī gunāh-o-savāb se huī thī

hai mehr-e-karam gunāh-gārī merī
imzā-e-naved umīd-vārī merī

kuchh nahīñ mere be-shumār gunāh
vo agar barsar-e-hisāb nahīñ

pahuñch ga.e haiñ ham aise dayār meñ ki 'vahīd'
jahāñ gunāh to lāzim hai nekiyāñ barbād

dil kī ishrat-pasañdiyāñ tauba
har tamannā gunāh ho ke rahī

maiñ huuñ aur tohmat-e-zabūnī-e-dil
be-gunāhī gunāh ho ke rahī

ye hayāt ālam-e-ḳhvāb hai na gunāh hai na savāb hai
vahī kufr-o-dīñ meñ ḳharāb hai jise ilm-e-rāz-e-jahāñ nahīñ

mirī zindagī mirī shā.irī kisī ġham kī den hai 'jāfarī'
dil o jaañ kā qarz chukā diyā maiñ gunāhgār nahīñ gayā