Tags-Gunah

terā karam hī is kā muharrik na ho kahīñ
kyā jaane kyuuñ gunāh kiye jā rahā huuñ maiñ

majbūr huuñ gunāh kiye jā rahā huuñ maiñ
fard-e-amal siyāh kiye jā rahā huuñ maiñ

kuchh is adā se safīrān-e-nau-bahār chale
salīb dosh pe rakh kar gunāhgār chale

pahle batlā diyā gunāh hai kyā
afv kī us kī phir ḳhatā tū ne

tirī atā ke tasadduq tire karam ke nisār
gunāhgār thā lekin azaab ho na sakā

koī samjhe to ek baat kahūñ
ishq taufīq hai gunāh nahīñ

terī rahmat ke sahāre pe ginā kartā huuñ
tark kar duuñ agar is meñ bhī gunāh-gārī ho

vaa.iz tirā ḳhudā.ī kā da.avā nahīñ gunāh
kartā hai aaj faisle roz-e-hisāb ke

gunāh kar ke bhī ham riñd pāk-sāf rahe
sharāb pī to nadāmat ne aab aab kiyā

ḳhayāl kuchh yuuñ bilakhte haiñ siine meñ
jaise gunāh pighalte hoñ

ḳhudā muaaf kare saare munsifoñ ke gunāh
ham hī ne shart lagā.ī thī haar jaane kī

gunāh ke tund-o-tez sho.aloñ se ruuh merī bhaḌak rahī thī
havas kī sunsān vādiyoñ meñ mirī javānī bhaTak rahī thī

abhī gunāh kā mausam hai aa shabāb meñ aa
nasha utarne se pahle mirī sharāb meñ aa

paiġhām-e-zindagī hai mohabbat kī har adā
ya.anī gunāhgār-e-mohabbat hai pāk-bāz

gunāh baḳhsh de 'anjum' ke ai rahīm o karīm
ki pur-gunāh bhī hai aur uzr-ḳhvāh bhī hai

sazā ke vāste iqrār bhī gunāh bhī hai
aur ek tum sā koī dūsrā gavāh bhī hai

aayā na raas aap ko ai shaiḳh roz-e-hashr
aur lutf ye hai aap gunāhgār bhī nahīñ

vaa.iz ḳhayāl-e-tauba bajā hai magar abhī
maiñ to ba-qadr-e-zarf gunāhgār bhī nahīñ

mujhe gunāh meñ apnā surāġh miltā hai
vagarna pārsā-o-dīn-dār maiñ bhī thā

saañs luuñ to yuuñ lage koī gunāh kar diyā
ab to koī faisla sunā hī de ḳhudā mirā