Tags-Gunah

ik fursat-e-gunāh milī vo bhī chaar din
dekhe haiñ ham ne hausle parvardigār ke

na baḌh sakā had-e-idrāk se shu.ūr-e-talab
gunāhgār huuñ maiñ apne hausloñ se ḳhajil

zindāñ kī to apne sair tū kar
shāyad koī be-gunāh nikle

ye hai hashr-e-'ḳhushtar'-e-nā-tavāñ yahāñ nafsī-nafsī kā hai samāñ
mujhe ab hujūm-e-gunāh meñ shah-e-dosarā kī talāsh hai

dil nā-sazā ko ye chāhtā huuñ ki chaah meñ kahīñ Daal duuñ
use hai gunāh kī justujū to mujhe sazā kī talāsh hai

dast-e-karam baḌhā diyā us ne bilā lihāz-e-jurm
qābil-e-raham kuchh na thā varna mire gunāh meñ

kuchh mirī be-qarāriyāñ kuchh mirī nā-tavāniyāñ
kuchh tirī rahmatoñ kā hai haath mire gunāh meñ

dekhūñgā kis tarah se kisī ko azaab meñ
sab ke gunāh Daal de mere hisāb meñ

maiñ be-gunāh sazā-vār gāliyoñ kā nahīñ
na mere saath kareñ itnī bad-zabānī aap

haif sar se guzar gayā paanī
dhone aa.e the ham gunāh kahīñ

maiñ be-gunāh huuñ to yahī hai mirī sazā
ye faisla huā hai mujhe maar dījiye

nazar jo tujh pe ruke to zarā nahīñ suntī
kahāñ savāb meñ hai ye kahāñ gunāh meñ hai

shabnam ko mahv kartā hai jis tarah āftāb
yā-rab nigāh-e-mehr ho mere gunāh par

kartā hai rahm kaun kisī be-gunāh par
paḌte haiñ tāziyāne yahāñ dād-ḳhvāh par

kasrat se mai jo pī hai nazar hai ma.aal par
ra.asha nahīñ hai kaañp rahā huuñ gunāh se

mīzāñ khaḌī huī mire aage na roz-e-hashr
dabnā paḌā use mire bār-e-gunāh se

had chāhiye sazā meñ uqūbat ke vāste
āḳhir gunāhgār huuñ kāfar nahīñ huuñ maiñ

ye gunāh kyuuñ bhuul kyuuñ nahīñ
baaġh meñ tamām phuul kyuuñ nahīñ

kuchh na kuchh husn bhī to hai mujrim
sab kā sab aañkh kā gunāh nahīñ

apnī fariyād bhī hai jurm kī baat
un kī bedād bhī gunāh nahīñ