Tags-Gunah

ik panāh kyā malī ki husn-o-ishq ke
sab gunāh nekiyoñ kī mad meñ aa ga.e

maiñ laḌkhaḌāyā to mujh ko gale lagāne lage
gunāhgār bhī merī hañsī uḌāne lage

kyā ye junūn-e-shauq gunāh-e-azīm hai
kis jurm kī milī hai ye āḳhir sazā mujhe

in dil-farebiyoñ se na kyuuñ us pe pyaar aa.e
rūThā jo be-gunāh to be-uzr man gayā

the be-gunāh jur.at-e-pā-bos thī zarūr
kyā karte vahm-e-ḳhajlat-e-jallād aa gayā

be-gunāh qatl hote jaate haiñ
sabr kā imtihān hai shāyad

isyāñ shumār the jo farishte vo thak ga.e
ik fard-e-sad-gunāh se maiñ be-hisāb thā

rānā.i-e-ḳhayāl ko Thahrā diyā gunāh
vaa.iz bhī kis qadar hai mazāq-e-suḳhan se duur

andher hai dayār-e-mohabbat meñ ham-damāñ
taqsīr dil kī Thahre kare jo gunāh chashm

pukārte haiñ butoñ ko ḳhudā ke naam se ham
gunāh karte haiñ aur kitne ehtimām meñ ham

kisī taraf jinheñ rāh-e-gunāh mil na sakī
kuchh aise log bhī duniyā meñ nek-nām hue

'nāzim' mire gunāh haiñ bāhar hisāb se
tashvīsh kuchh nahīñ mujhe roz-e-hisāb kī

is baar sañgsār hue be-gunāh log
ik rāsta badan kī bahālī kā ho gayā

us ke shaitān ko kahāñ taufīq
ishq karnā gunāh-e-ādam hai

yaañ jumbish-e-mizha bhī gunāh-e-azīm hai
chup-chāp dekhte raho jo kuchh dikhā.e dost

ba-faiz-e-azmat-e-syāñ milī hai ye tauqīr
vagarna dar-ḳhur-e-rahmat gunāhgār kahāñ

jaan se jaate rahe haiñ bas-ki lākhoñ be-gunāh
har taraf kūche meñ us ke ḳhuuñ ke naale jaate haiñ

ye kisī ne zulm bhī hai sunā ki dī phāñsī logoñ ko be-gunāh
vahī kalma-goyoñ kī samt se abhī dil meñ un ke buḳhār hai

baḳhsh mere gunāh kuuñ aa mil
ḳhat nahīñ ye ḳhat-e-muāfī hai

un ko gunāh karte hue maiñ ne jā liyā
phir un ke saath maiñ bhī gunahgār ho gayā