Tags-Gunah

tere dar se ġham le kar jab gunāhgār uThe
mai-kadoñ kā kyā kahnā masjideñ sañvār aa.e

aap haiñ be-gunāh kyā kahnā
kyā safā.ī hai vaah kyā kahnā

vo jo raat mujh ko baḌe adab se salām kar ke chalā gayā
use kyā ḳhabar mire dil meñ bhī kabhī ārzū-e-gunāh thī

sarzad hue gunāh jo ahd-e-shabāb meñ
mālik mire inheñ tū na rakhnā hisāb meñ

gunāh-e-jur.at-e-tadbīr kar rahā huuñ maiñ
ye kis qimāsh kī taqsīr kar rahā huuñ maiñ

nā vo masarrat gunāh meñ hai na vo kashish ab savāb meñ hai
ḳharāb-e-sāmān-e-zindagī sab jahāñ kī bazm-e-ḳharāb meñ hai

ḳhud manāne ko jinheñ rahmat-e-haq aa.ī hai
ūñche darje ke gunāhgār nazar aate haiñ

baaqī hai dil meñ shaiḳh ke hasrat gunāh kī
kaalā karegā muñh bhī jo dāḌhī siyāh kī

be-abr riñd piite nahīñ vā.izo sharāb
karte haiñ ye gunāh bhī rahmat ke zor par

mahsūs bhī ho jaa.e to hotā nahīñ bayāñ
nāzuk sā hai jo farq gunāh o savāb meñ

gunāh-e-ishq rihā hote hī kareñge phir
gavāh banñā nahīñ muḳhbirī nahīñ karnī

dhuup sar par barahna-pā be-ghar
ḳhud-farāmoshī to gunāh meñ hai

lab-e-ḳhamosh mujhe aah aah karne de
gunāh ishq sahī ye gunāh karne de

tumhārā saath hī chāhā thā kyā gunāh kiyā
umaD paḌā thā kyuuñ rāhoñ meñ bijliyoñ kā jhunD

jo had-e-taqvā adā na hove to apnā maz.hab yahī hai 'ġhālib'
havas na rah jaa.e koī baaqī gunāh kiije to ḳhuub kiije

qarīb dekh ke us ko ye baat kis se kahūñ
ḳhayāl dil meñ jo aayā gunāh jaisā thā

ḳhamoshiyoñ ke takallum ko pūjne vaalā
vahī thā bazm meñ āḳhir gunāhgār uThā

lutf uThā bas nigāh-e-avval se
har nazar ko gunāhgār na kar

darmiyān-e-gunāh-o-savāb aadmī
hai ḳhud apne liye hī azaab aadmī

maiñ havā ke gunāh ke badle
aag kī ġhalatiyāñ nahīñ likhtā