Collections

Lab Shayari

Motivational Ghazals

Best Khamoshi Shayari

More Collections

Tags-Gunah

gunāhgār ke dil se na bach ke chal zāhid
yahīñ kahīñ tirī jannat bhī paa.ī jaatī hai

gunahgar ke dil se na bach ke chal zahid

dil meñ kisī ke raah kiye jā rahā huuñ maiñ
kitnā hasīñ gunāh kiye jā rahā huuñ maiñ

dil mein kisi ke rah kiye ja raha hun main

shirkat gunāh meñ bhī rahe kuchh savāb kī
tauba ke saath toḌiye botal sharāb kī

shirkat gunah mein bhi rahe kuchh sawab ki

āsmāñ pe jā baiThe ye ḳhabar nahīñ tum ko
arsh ke hilāne ko ek gunāh kaafī hai

ek gali se KHushbu ki rasm-o-rah kafi hai

umr-bhar ke sajdoñ se mil nahīñ sakī jannat
ḳhuld se nikalne ko ik gunāh kaafī hai

ek gali se KHushbu ki rasm-o-rah kafi hai

savāb kī duāoñ ne gunāh kar diyā mujhe
baḌī adā se vaqt ne tabāh kar diyā mujhe

sawab ki duaon ne gunah kar diya mujhe

sabhī gunāh maiñ hañs kar qubūl kar lūñgā
faqīh-e-shahr kā tujh ko ḳhitāb mil jaa.e

kaha hai maine ye kab mahtab mil jae

kuchh ḳhatā hai mirī na koī gunāh
tañg-nazarī kā bas shikār huuñ maiñ

sirf itna qusur-war hun main

us kī teġh-e-sitam kā sharh o bayāñ
jā kisī be-gunāh se pūchho

dard-e-dil meri aah se puchho

jahāñ hai maktab-e-hastī sabaq hai chup rahnā
baḌā gunāh yahāñ hai alif se be kahnā

jahan hai maktab-e-hasti sabaq hai chup rahna

savāb hī to nahīñ jin kā phal milegā mujhe
gunāh bhī mire a.amāl meñ paḌe hue haiñ

ajib rang ajab haal mein paDe hue hain

umr guzrī gunāh-gārī meñ
fikr anjām kī rahī na rahī

gham-zada zindagi rahi na rahi

had chāhiye sazā meñ uqūbat ke vāste
āḳhir gunāhgār huuñ kāfar nahīñ huuñ maiñ

daim paDa hua tere dar par nahin hun main

mujhe bhī zahr diyā kyuuñ na haq-bayānī par
ki ye gunāh to nā-qābil-e-muāfī thā

adib tha na main koi baDa sahafi tha

shaiḳh-jī kyūñki ma.āsī se bacheñ ham ki gunāh
irs hai apnī ham aadam ke agar pote haiñ

shaiKH-ji kyunki maasi se bachen hum ki gunah

rahzanoñ kā qasr-e-shūrā qātiloñ kī ḳhvāb-gāh
khilkhilāte haiñ jarā.em jagmagāte haiñ gunāh

haweli

be-jurm o gunāh qatl-e-āshiq
maz.hab meñ tire savāb dekhā

chehre pe na ye naqab dekha

taa.at ho yā gunāh pas-e-parda ḳhuub hai
donoñ kā jab maza hai ki tanhā kare koī

kis dil se tark-e-lazzat-e-duniya kare koi

jañgaloñ ne kar liyā taslīm jaane kyuuñ gunāh
ai jahān-e-nau tirā ilzām tak puḳhta na thā

muddaa jo zehn se uTTha tha wo beja na tha

in sab se hasīn-tar haiñ lekin
rindoñ ke gunāhgār chehre

ye be-kas-o-be-qarar chehre