Tags-Hasrat

chhuptī hai 'jalāl' āñkhoñ meñ kab hasrat-e-dīdār
sau parde agar hoñ to chhupā.ī nahīñ jaatī

apne kashkol meñ hasrat le kar
ik gadāgar tire dar tak pahuñchā

vo apnī sa.ī-e-tajdīd-e-junūñ bhī rā.egāñ Thahrī
bas ab aage ma.āl-e-hasrat-e-nākām kyā kahiye

dil-e-nākām kā har dāġh-e-hasrat
savād-e-shām ho kar rah gayā hai

maiñ haath na aane kā huuñ tere ai zamāne
ya.anī mirā honā tirī hasrat ke liye hai

hue the jaise mar jaate par ab to saḳht hasrat hai
kiyā dushvār nādānī se ham ne kār-e-āsāñ ko

huā huuñ ġhuncha-e-pazhmurda āḳhir fasl kā tujh bin
na de barbād hasrat kusta-e-sar-dar-garebāñ ko

vo tuḳhm-e-soḳhta the ham ki sar-sabzī na kī hāsil
milāyā ḳhaak meñ daana namat hasrat se dahqāñ ko

dil meñ ab koī bhī hasrat nahīñ armān nahīñ
kuchh nahīñ kuchh bhī nahīñ ab mire ġham-ḳhāne meñ

ranj-o-mehnat se baaz kyūñke rahūñ
vaqt jaatā rahe to hasrat hai

ronā aatā hai dam-ba-dam shāyad
kaso hasrat kī dil se ruḳhsat hai

bhalā us kā to dil ḳhush hovegā is baat ko sun kar
na pahuñche mudda.ā ko apne ham hasrat se kah diijo

aa.e the chashm-e-shauq kī hasrat nikālne
sar-tā-qadam nigāh banā kar chale ga.e

ban ga.ī daaġh kaleje kā tamannā-e-visāl
dāġh-e-hasrat ke sivā ab koī armāñ na rahā

arz-e-mudda.ā karte kyuuñ nahīñ kiyā ham ne
ḳhvāhishoñ ko hasrat meñ ḳhud badal diyā ham ne

mirī āñkhoñ kā bas ik ḳhvāb thī vo hasrat-e-pinhāñ
jo ḳhud un kī nigāhoñ kā taqāzā ho ga.ī āḳhir

nuqūsh-e-hasrat miTā ke uThnā, ḳhushī kā parcham uḌā ke uThnā
milā ke sar baiThnā mubārak tarāna-e-fat.h gā ke uThnā

dil-e-māyūs meñ kuchh ḳhār-e-hasrat se khaTakte haiñ
ḳhudā jaane raheñgī raakh meñ chiñgāriyāñ kab tak

us lab-e-jāñ-baḳhsh kī hasrat ne maarā jaan se
āb-e-haivāñ yaman-e-tāle.a se mire sam ho gayā

kahnā kisī kā sub.h-e-shab-e-vasl naaz se
hasrat tumhārī jaan hamārī nikal ga.ī