Tags-Hasrat

mudda.ā ġhair mudda.ā bhī nahīñ
aur hasrat kā pūchhnā bhī nahīñ

tasavvur meñ visāl-e-yār ke sāmān hote haiñ
hameñ bhī yaad haiñ hasrat kī bazm-ārā.iyāñ kyā kyā

dil-e-ḳhūñ-gashta-e-hasrat ne kyā kuchh gul khilā.e haiñ
bahār-āgīñ hai kuchh ab kī baras fasl-e-ḳhizāñ kyā kiyā

katān-o-gul-o-sīna-e-ahl-e-hasrat
bahut chiiz haiñ yādgār-e-garebāñ

ham asīrān-e-qafas aag lagā sakte haiñ
fursat-e-naġhma kabhī hasrat-e-parvāz to de

'zafar' kī ḳhaak meñ hai kis kī hasrat-e-tāmīr
ḳhayāl-o-ḳhvāb meñ kis ne ye ghar banāyā thā

nazzāra be-nazāra huā hai to kyā huā
hairat kī taab diid kī hasrat bahāl rakh

aur duunā ġham uThāyā kī miTāne kī jo fikr
dāġh-e-hasrat ho gayā likkhā mirī taqdīr kā

ḳhūgar-e-lazzat huuñ maiñ kis shoḳh kī ta.azīr kā
dil ko hasrat hai ki pahlū DhūñDiye taqsīr kā

hasrat-o-yās-o-ġham-o-ranj haiñ mehmāñ dil meñ
kitnā ābād hai allāh kā ghar bhī dekho

us said ko kyā kahiye jo ḳhud aa.e tah-e-dām
dil meñ liye ik hasrat-e-parvāz kā aalam

charāġh-e-hasrat-o-armāñ bujhā ke baiThe haiñ
har ek tarh se ḳhud ko jalā ke baiThe haiñ

kuchh qafas kī tīliyoñ se chhan rahā hai nuur sā
kuchh fazā kuchh hasrat-e-parvāz kī bāteñ karo

'firāq' ik ek hasrat miT rahī hai
ye mātam raat bhar hai aur maiñ huuñ

ba-juz naqsh-e-pashemānī-e-qātil
nigāh-e-hasrat-e-bismil meñ kyā hai

tujh ko paane kī ye hasrat mujhe le Dūbegī
lag rahā hai ki mohabbat mujhe le Dūbegī

chaḌhāyā daar pe aur kar diyā mujhe zinda
ye aur kuchh huā hasrat hai imtihāñ na huā

hasrat-e-dil mirī rah jaatī hai dil hī meñ mire
farz kyā aise nibhāte haiñ chale jaate haiñ

un ko ash.ār na samjheñ kahīñ duniyā vaale
ye to hasrat hai jo tahrīr huī jaatī hai

agar chhuTe bhī qafas se bulbul karegī barbād hasrat-e-gul
rasā.ī hogī na āshiyāñ tak chaman meñ tinke chunā kareñge