Tags-Hasrat

mar jā.eñge ham furqat meñ
rah jā.egī hasrat kaisī

dīdār kī hasrat hī huī vaj.h-e-ta.assuf
qismat meñ mirī harf-e-mukarrar na huā thā

kahāñ kā vasl kaisī aarzū ai dil vo kahte haiñ
na maiñ hasrat karūñ puurī na tū armān paidā kar

kyuuñ bahr-e-ḳhamoshī meñ hai tū misl-e-sadā tañg
hasrat koī baaqī hai to ik baar ubhar dekh

hasrat-e-dīd sar-e-bām tamāsha chāhe
ishq-e-betāb sar-e-tūr charāġhāñ māñge

ek hasrat-e-tāmīr dil meñ jo zarā sī thī Dar thā jaag uTThegī aur jaag uTThī hai
kaan khol kar sun lo tum mirā bayāñ yaaro ret is nagar kī hai iiñT is nagar kī hai

is munjamid sukūt meñ 'ḳhālid' mirī sadā
pathrā ga.ī hai hasrat-e-parvāz kī tarah

dil meñ hasrat koī bachī hī nahīñ
aag aisī lagī bujhī hī nahīñ

qissa-e-ranj-o-hasrat nahīñ muḳhtasar tujh ko kyā kyā batā.egī ye chashm-e-tar
ātish-e-ġham meñ jalte haiñ qalb-o-jigar aañkh tak aa rahā hai dhuāñ yā aḳhī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

shāyad niyāz-mand ko hāsil niyāz ho
hasrat se tak rahā huuñ tirī rahguzar ko maiñ

vahī ta.alluq-e-ḳhātir jo barq-o-bād meñ hai
dil-e-sitam-zada kī hasrat-o-murād meñ hai

sādgī par us kī mar jaane kī hasrat dil meñ hai
bas nahīñ chaltā ki phir ḳhanjar kaf-e-qātil meñ hai

na kah ki girya ba-miqdār-e-hasrat-e-dil hai
mirī nigāh meñ hai jam-o-ḳharch dariyā kā

dil meñ haiñ hasrat-o-andoh ke ambār lage
itnā yakjā na kahīñ hogā ḳhazānā hargiz

us kī shīrīñ-labī kī hasrat meñ
shahd paanī ho shaan se niklā

bas ek diid kī hasrat sajā ke palkoñ par
mileñgī tum se ḳhayāloñ meñ be-talab āñkheñ

hameñ miT ke bhī ye hasrat ki bhaTakte us galī meñ
vo haiñ kaise log yā rab jo qayām chāhte haiñ

aañkh kī ye ek hasrat thī ki bas puurī huī
āñsuoñ meñ bhiig jaane kī havas puurī huī