Tags-Haya

qarīna sarqa ishāra kināya ramz savāl
hayā se jhuktī nigāhoñ meñ jhāñkte the sabhī

kitne zehnoñ kā lahū kitnī nigāhoñ kā araq
kitne chehroñ kī hayā kitnī jabīnoñ kī shafaq

jis jagah hūrān-e-jannat kā kiyā hai tazkira
kyā kahā hai aur bhī kuchh ham ne juz husn o hayā

narm hoñge tere jalve bhī tirī guftār bhī
bā-hayā hogī tirī pāzeb kī jhankār bhī

mujh ko hairat hai ki tujh ko dekh kar zār-o-nizār
gaḌ nahīñ jaate hayā se hākimān-e-zī-vaqār

ai zan-e-nāpāk fitrat-e-paikar-e-makr-o-riyā
dushman-e-mehr-o-vafā ġhārat-gar-e-sharm-o-hayā

kaisī hayā kahāñ kī vafā pās-e-ḳhalq kyā
haañ ye sahī ki aap ko aanā yahāñ na thā

sirf maan.e thī hayā band-e-qabā khulne talak
phir to vo jān-e-hayā aisā khulā aisā khulā

javānī ne diye haiñ un ko lā kar ham-nashīñ kyā kyā
adā meñ naaz chitvan meñ hayā āñkhoñ meñ mastī hai

bebāk nigāhoñ meñ mirī aisī kashish thī
vo bhuul ga.e aaj to andāz hayā ke

hayā kī bahāreñ haiñ ra.anā.iyoñ par
ye jalva hai mastī hai joban hai kyā hai

jo sach pūchho hasīnoñ kā hayā ne rakh liyā parda
nikal chalte gharoñ se ye to hotī dil-lagī achchhī

vo barahnagī kā qasīda kahte hue idhar nikal aayā thā
magar us kī āñkhoñ meñ satr-posh hayā na ho kahīñ yuuñ na ho

thā jī meñ us se miliye to kyā kyā na kahiye 'mīr'
par kuchh kahā gayā na ġham-e-dil hayā se aaj

ḳhamīr merā uThā vafā se
vajūd merā faqat hayā se

banā ga.ī tum ko aur chanchal
jhukī jo merī nazar hayā se

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

ye adā-e-dil-rubāyāna ye andāz-e-hayā
kis tarah phir kaam kartī hai nazar jallād kā

ye sharm ke ma.anī haiñ hayā kahte haiñ is ko
āġhosh-e-tasavvur meñ na aayā badan un kā

ye vo bāzār-e-kashākash hai jahāñ par insāñ
hasb-e-taufīq ḳharīdār-e-hayā hotā hai