Tags-Hijr

vasl ke da.avedār kaho kyā
hijr kī iddat guzar ga.ī hai

gar yahī dard-e-hijr hai terā
ziist kā apnī kab gumāñ hai mujhe

hijr meñ us but-e-kāfir ke taḌapte haiñ paḌe
ahl-e-zunnār kahīñ sāhib-e-islām kahīñ

nahīñ miltā vo jo shīrīñ-dahan ai 'mus.hafī' tujh ko
tū us ke hijr meñ kyuuñ zahr kā pyālā nahīñ piitā

sail-e-ġham-e-duniyā ne dil se kyā kyā naqsh miTā.e
hijr kī rātoñ meñ ab terī shakl bhī yaad na aa.e

na vo kaif-e-shab na vo māh-e-shab na vo kārvān-e-ġhazāl-e-shab
jahāñ zikr-e-hijr-o-visāl thā vo varaq hī koī ulaT gayā

mujhe aksar sitāroñ se yahī āvāz aatī hai
kisī ke hijr meñ nīndeñ gañvā kar kuchh nahīñ miltā

dil ke qarīb hijr kī rut ḳhema-zan huī
tahniyyat-e-visāl tumheñ kaun de gayā

ham se na pūchh jā.egī hijr kī rahguzar kahāñ
shaam huī to thī kahīñ sub.h huī magar kahāñ

sub.h-e-vafā se hijr kā lamha judā karo
manzil se gard, gard se rasta judā karo

niiñd kī shart thī tanhā nahīñ sonā mujh ko
hijr thā so usī saffāk se lag kar soyā

shab-e-visāl vo lamhe gañvā diye ham ne
jo dard-e-hijr ko iksīr karne vaale the

hijr ke vo sitam sahe ab na rahī havā-e-vasl
haal yahī hai nāma-bar ye hī mirā payām hai

nāseh tirī bātoñ se kaTī hijr kī ye shaam
ik aur fasāna ki abhī raat paḌī hai

hijr-zada ā.ankhoñ se jab aañsū nikle ḳhāmoshī se
kisī ne samjhā raat samay do diip jale ḳhāmoshī se

vo hijr ke mausamoñ se uljhī
thakī thakī sī niDhāl āñkheñ

vo saath mire chāñd sitārā hai falak har
ai dost shab-e-hijr meñ tanhā to nahīñ huuñ

dosto bahr-e-ḳhatā koī to batlāo ilaaj
ki shab-e-hijr sar-e-shām se niiñd aa.e hameñ

har aziyyat se guzāre hue log
ham tire hijr ke maare hue log

hijr ke dam se salāmat hai tire vasl kī aas
tar-o-tāza hai ḳhushī ġham kī tavānā.ī se