Tags-Hijr

hijr kī shab ho chukī roz-e-qayāmat se darāz
dosh se nīche nahīñ utre abhī gesū-e-dost

puurā dukh aur aadhā chāñd
hijr kī shab aur aisā chāñd

haath hilā kar ruḳhsat hogā
us kī sūrat hijr kā chāñd

nahīñ ilāj-e-ġham-e-hijr-e-yār kyā kiije
taḌap rahā hai dil-e-be-qarār kiyā kiije

sahne ko hijr jab bhī tamannā mazīd kī
maiñ ne vajūd-e-sher se lazzat kashīd kī

ḳhushiyāñ to dastiyāb thiiñ bāzār meñ magar
dānista maiñ ne hijr kī daulat ḳharīd kī

satātā hai tujhe jo hijr kā ġham
vo merī zindagī meñ bhī ravāñ hai

hijr ke haath se ab ḳhaak paḌe jiine meñ
dard ik aur uThā aah nayā siine meñ

jabr se ek huā zā.eqa-e-hijr-o-visāl
ab kahāñ se vo mazā sabr ke phal meñ aa.e

jo ho chalā thā dil ko sukūñ un ke hijr meñ
vo mil ga.e to phir use vāraftagī milī

masāfat hijr kī ye soch kar tai kar rahe haiñ ham
agar mushkil nahīñ hogī to āsānī se kyā hogā

net ījād huā hijr ke māroñ ke liye
search engine hai baḌī chiiz kuñvāroñ ke liye

zabt-e-fariyād meñ kaTī shab-e-hijr
shukr hai baat rah ga.ī dil kī

sulagtī rahī raat bhar chāñdnī
shab-e-hijr thī raushnī kam bahut

koī aur qissa shurūa kar jo tamām kah sake ham-nafas
ki fasāna zulf-e-siyāh kā shab-e-hijr se bhī darāz hai

mire dil meñ hijr ke baab haiñ tujhe ab talak vahī naaz hai
jo ye jī hī lene pe hai nazar to qubūl ho ye namāz hai

mil sakeñge kis tarah ḳhvāboñ meñ ham jab hijr se
niiñd ho jā.egī ruḳhsat ratjagā rah jā.egā

hai saḳht mire darpa-e-jāñ terā ġham-e-hijr
jānāñ se kahe jā koī paiġhām hamārā

judā.iyāñ to muqaddar haiñ lekin ik ġham-e-hijr
ajiib phuul se sāthī bikhar ga.e ab ke