Tags-Hijr

rone se hijr-e-yār meñ taskīn ho ga.ī
dil kā buḳhār dīda-e-tar se nikal gayā

saḳht mushkil meñ kiyā hijr ne āsān mujhe
dūsrā ishq huā pahle ke daurān mujhe

yaar! ye hijr kā ġham! is se to maut achchhī hai
jaañ se yuuñ hī koī bezār nahīñ hotā yaar

phir tire hijr ke jazbāt ne añgḌā.ī lī
thak ke din Duub gayā raat ne añgḌā.ī lī

jaanā thā itnī jald to aayā thā kis liye
ek ek pal hai hijr kā sabr-āzmā mujhe

hijr apnī taraf se hai varna
us taraf se visāl meñ sab haiñ

hujra-e-hijr meñ baiThā hai jo majzūb-sifat
arsa-e-shor-e-munājāt se niklā huā hai

ḳhudā kare ki mayassar tirā visāl na ho
bahut aziiz haiñ ye hijr ke ujāle mujhe

ḳhvāhish-e-dīd sar-e-vasl jo niklī nahīñ thī
lamha-e-hijr meñ tajrīd kī uryānī hai

kisī ke ghar na maah o saal ke mausam meñ rahte haiñ
ki ham hijr-o-visāl-e-yār ke aalam meñ rahte haiñ

kisī hijr-shāl kī dhajjiyāñ mujhe sauñp kar vo kahāñ gayā
vo dhanak dhanak se katā huā vo kiran kiran se bunā huā

ai shab-e-hijr zarā der ko bahle to ye dil
dekh 'irfān' kahīñ naġhma-sarā hai ki nahīñ

ye hijr kā rasta hai Dhalāneñ nahīñ hotīñ
sahrā meñ charāġhoñ kī dukāneñ nahīñ hotīñ

hijr ho yā visāl ho kuchh ho
ham haiñ aur us kī yādgārī hai

ban ke dargāhoñ pe maiñ hijr ke māroñ kī duā
dard ke champa.ī dhāgoñ meñ bañdhī jā.ūñ piyā

narm sub.heñ pī gayā shāmeñ suhānī pī gayā
hijr kā mausam diloñ kī shādmānī pī gayā

hijr-o-visāl ḳhatm hue Thiik hai ye khel
tujh ko bhī nāgavār mujhe bhī azaab thā

sach-much ye batāo tum kyā mujh se bichhaḌ kar bhī
in hijr kī rātoñ meñ ārām se so loge

pahle merī āñkhoñ se sarmāya chhīnā nīñdoñ kā
badle meñ phir hijr ne merī āñkhoñ ko ye laalī dī

tirī sub.h-e-aish hai kyā balā tujhe ai falak jo ho hausla
kabhī kar le aa ke muqābla ġham-e-hijr-e-yār kī shaam se