Tags-Hijr

hasrat-e-vasl-o-ġham-e-hijr-o-ḳhayāl-e-ruḳh-e-dost
mar gayā maiñ pe mire jī meñ rahā kyā kyā kuchh

ik hijr jo ham ko lāhaq hai tā-der use dohrā.eñ kyā
vo zahr jo dil meñ utaar liyā phir us ke naaz uThā.eñ kyā

yuuñ shab-e-hijr bitā.ī maiñ ne
niiñd tāqoñ meñ jalā.ī maiñ ne

haar kar hijr-e-nā-tamām se ham
chupke baiThe hue haiñ shaam se ham

yūñhī khaḌe raheñ kisī manzil kī aas meñ
gard-e-malāl-e-hijr se raste aTe raheñ

hijr meñ milne shab-e-māh ke ġham aa.e haiñ
chārasāzoñ ko bhī bulvāo ki kuchh raat kaTe

hijr meñ tere ThanDī aaheñ bhartā hai
ḳhālī kamra saa.eñ saa.eñ kartā hai

ik abadī hijr kī fasl harī ho ga.ī
bhuul ga.e vaqt ko va.ada-o-paimāñ tire

kahtā hai kaun hijr mujhe sub.h o shaam ho
par vasl meñ bhī lutf nahīñ jo mudām ho

hijr meñ vaise bhī aatī hai musībat jaan par
par raqīboñ kī alag hai ḳhanda-kārī haa.e haa.e

hai nā-sipās-e-vasl dil-e-hijr-e-dost ḳhabt
hai pāk-bāz chashm-e-haqīqat-nigar daroġh

haa.e ye tere hijr kā aalam
kis qadar zard hai hasīñ mahtāb

hijr kī koft jo khīñche haiñ unhīñ se pūchho
dil diye jaate haiñ jī apne male jaate haiñ

us ne sukūt-e-shab meñ bhī apnā payām rakh diyā
hijr kī raat baam par māh-e-tamām rakh diyā

dil mubtalā-e-hijr rifāqat meñ rah gayā
lagtā hai koī farq mohabbat meñ rah gayā

shab-e-hijr ab mujh ko khaltī nahīñ
ye rasta mire paañv ko lag gayā

tū hijr meñ Duubī huī nayyā kā kināra
jīvan kī tire paas hī tadbīr hai jānāñ

tirā paañv shaam pe aa gayā thā ki chāñd thā
tirā hijr sub.h ko jal uThā thā ki phuul thā

kisī ke hijr meñ bhūlī huuñ baaqī rañg saare
mirī almārī meñ har suiT ab kaalā rakhā hai

tumhāre vasl kī iftārī aa.e yā na aa.e
magar maiñ ne tumhāre hijr kā roza rakhā hai