Tags-Hijr

hijr o visāl o nek o bad gardish-e-sad-hazār-o-sad
tujh ko kahāñ kahāñ mire sarv-e-kamāl le ga.ī

ye kyā ġhazab hai ki jis ne ahd-e-bahār chāhā na ishq dekhā
nizām-e-hijr-o-visāl saarā usī ke hāthoñ meñ aa gayā hai

kaheñ kyā shab-e-hijr kaTtī hai kyūñ-kar
jo dil par guzartī hai ham jānte haiñ

tire ḳhayāl tire hijr ke vasīle se
tasavvurāt meñ ham se milī hai tanhā.ī

hare-bhare insān ko kaise hijr kī aag ne zard kiyā
ab bhī ishq karegā pyāre dekh to le anjām mirā

hargiz marīz-e-hijr kuuñ bin vasl nahīñ ilaaj
us ḳhush-adā kī nargis-e-bīmār kī qasam

abhī do chaar na kar hijr kī aziyyat se
abhī to maiñ ne uThāyā hai tere saath kā bojh

hijr ke ratjagoñ kā asar yuuñ huā vasl-e-jānāñ kā lamha basar yuuñ huā
dosh par us ke gesū bikharte rahe gudgudāte rahe aur ham so ga.e

yaad aatā rahā kūcha-e-raftagāñ sar pe sāya-fagan hijr kā āsmāñ
nā-rasā.ī ke sadme nikharte rahe dil jalāte rahe aur ham so ga.e

zindagī be-ḳhvāb lamhoñ meñ simaT kar rah ga.ī
hijr meñ tere palak jhapke hue arsa huā

hijr kī tārīkiyoñ kā silsila hai duur tak
chāndnī ko chāñd se bichhḌe hue arsa huā

kal jo gulshan meñ ga.e ham to ajab shakl se aah
hijr ke maare hue jī se ba-tañg aa.e hue

ishq ne hijr kā āzār to de rakkhā hai
is se baḌh kar to ri.āyat nahīñ dī jā saktī

vafā kī kahānī meñ DhūñDo mujhe tum
kabhī hijr kī dāstāñ hī meñ DhūñDo

suno maiñ hijr meñ qaa.el nahīñ huuñ rone kā
kaho to jashn ye apnī tarah manā luuñ maiñ

mausam-e-hijr to daa.im hai na ruḳhsat hogā
ek hī lamhe ko ho vasl ġhanīmat hogā

safarī apne aap se thā maiñ
hijr kis kā visāl kis kā thā

hijr rātoñ meñ use oḌh ke so jaatā thā
paas mere jo udāsī kī ridā thī terī

raushnī hijr meñ aziyyat thī
jab bhī sham.a jalī bujhā dī hai

lutf aayā hai jāñ-fishānī meñ
hijr kaaTā hai zindagānī meñ