Tags-Hijr

mausam-e-hijr koī rut hai na kuchh āb-o-havā
ik taqāzā hai ki phir ghar se nikal kar dekho

ai husn ham ko hijr kī rātoñ kā ḳhauf kyā
terā ḳhayāl jāgegā soyā kareñge ham

dhuup hai par mere roz-e-hijr kā
hai ba-rañg-e-sāya-e-dīvār rañg

hijr-e-jānāñ meñ Thahartā hī nahīñ
kyā hī mere muñh se hai bezār rañg

tere hijr meñ merī dekh bujh ga.iiñ āñkheñ
kuchh nazar nahīñ aatā har taraf añdherā hai

bas ik tasalsul-e-takrār-e-qurb-o-dūrī thā
visāl o hijr kā har marhala ubūrī thā

hijr kī shab ghaḌī ghaḌī dil se yahī savāl hai
jis ke ḳhayāl meñ huuñ gum us ko bhī kuchh ḳhayāl hai

shab-e-hijr apnī siyāhī kise dikhlātī hai
kuchh maiñ laḌkā to nahīñ huuñ ki dahal jā.ūñgā

ham tirā hijr manāne ke liye nikle haiñ
shahr meñ aag lagāne ke liye nikle haiñ

ye suḳhan jo ham ne raqam kiye ye haiñ sab varaq tirī yaad ke
koī lamha sub.h-e-visāl kā koī shām-e-hijr kī muddateñ

hai mukaddar nūr-e-mehr us rashk-e-gul ke hijr meñ
gulshan-e-charḳh-e-kuhan meñ gul hai gul meñ ḳhaak hai

aap farmā.eñ hijr kā ahvāl
maiñ karūñ zikr vasl kī shab kā

phir shab-e-hijr ke siine pe lagā.ī Thokar
sher do-chār na.e phir se banā kar so.e

ishq to ḳhair 'ḳhalīl' ab bhī bulā.e lekin
kis meñ himmat hai shab-e-hijr manā kar so.e

tumhārā merā ta.alluq hai jo rahe so rahe
tumhāre hijr ne kyuuñ Taañg hai aḌaa.ī huī

tumhāre hijr kā anjām ḳhūbsūrat hai
bahut udaas magar shaam ḳhūbsūrat hai

visāl-o-hijr ke janjāl meñ paḌā huā huuñ
meñ arsh-e-rau kahāñ pātāl meñ paḌā huā huuñ

firāq o hijr ke tārīk lamhe
sarāpā nuur hote jā rahe haiñ

hijr meñ hālat-e-dil kī haiñ vo āñkheñ nigarāñ
dekhī thī jin se kabhī raunaq-e-kāshāna-e-dost

dekh le bulbul o parvāna kī betābī ko
hijr achchhā na hasīnoñ kā visāl achchhā hai