Tags-Hijr

kaash 'jur.at' vasl kā din hove jaldī se nasīb
hijr kī to khaa.e jaatī haiñ ye rāteñ kāliyāñ

na ho bad-gumāñ mirī dād-ḳhvāhi-e-hijr se
mirī jaañ maiñ shauq-e-visāl meñ nahīñ ā.ūñgā

ye charāġh aur hai vo sitāra hai aur
aur aage jo ik hijr kā baab hai

mausam-e-hijr kī kaisī saa.at hai ye dil bhī hairān hai
mere kānoñ meñ kis ne tirī yaad kī bāliyāñ Daal diiñ

na sūrat vasl kī koī na koī hijr kā ġham hai
maiñ ab ke baar kuchh aisī hī vīrānī meñ huuñ yaaro

dard kī lahr meñ zindagī bah ga.ī
umr yuuñ kaT ga.ī hijr kī shaam meñ

ek tasvīr dil-e-hijr-zada meñ hai tirī
ek tasvīr koī aur banā jaatā hai

shab-e-hijr meñ gul-badan ke 'sirāj'
nazar meñ mirī sham.a jiyūñ ḳhaar hai

shifā de mujhe marham-e-vasl suuñ
jigar par mire hijr kā vaar hai

hijr kī daulat ne mālā-māl mujh ko kar diyā
baal chāñdī ke hue sone ke chhāle ho ga.e

tumhāre hijr meñ marnā thā kaun sā mushkil
tumhāre hijr meñ zinda haiñ ye kamāl kiyā

tazalzul meñ kis vāste hai zamāna
shab-e-hijr hai ye qayāmat nahīñ hai

hijr kaafī hai dil-lagī ke liye
ab maiñ terā bhī kyā banūñ vahshat

tavīl hijr kā ye jabr hai ki sochtā huuñ
jo dil meñ bastā hai ab haath bhī lagā.ūñ use

hai shām-e-hijr aaj o zālim o falak
gardish vo kar ki shaam se aa kar sahar mile

musalsal hijr ke sadme ye dil ab sah nahīñ saktā
ghaḌī bhar kā judā honā agar bār-e-digar honā

koī itnā nahīñ jo aa ke pūchhe hijr meñ 'beḳhud'
tirā kyā haal hai ranj-e-judā.ī dekhne vaale

maiñ hī TuuT ke bikhrā aur na royā vo
ab ke hijr ke mausam kitne jhūTe the

hijr-e-jānāñ meñ jī se jaanā hai
bas yahī maut kā bahāna hai

jab hijr ke shahr meñ dhuup utrī maiñ jaag paḌā to ḳhvāb huā
mirī soch ḳhizāñ kī shāḳh banī tirā chehra aur gulāb huā