Tags-Hijr

koī din aur ġham-e-hijr meñ shādāñ ho leñ
abhī kuchh din meñ samajh jā.eñge duniyā kyā hai

imkān-e-vasl-e-yār to 'aḳhgar' kabhī na thā
āzār-e-hijr-e-yār kā armāñ nahīñ rahā

āzār-e-hijr apnī jagah mustaqil magar
dil mujh se tere qurb kā ḳhvāhāñ nahīñ rahā

ek vaqfa visāl kā hai faqat
hijr kī raat kuchh nahīñ hotī

hijr kā mausam jhelī ho
aisī ek sahelī ho

hijr ke zaḳhm to rusvā hī kareñge mujh ko
aur phir chaak garebān kiyā jā.egā

ab dard bhī ik had se guzarne nahīñ paatā
ab hijr meñ vo pahlī sī vahshat nahīñ hotī

ḳhvāboñ meñ liye ham ne bose tire bāloñ ke
jab hijr kī rātoñ meñ sāvan kī ghaTā mahkī

hijr meñ dil kā daaġh jaltā hai
be-kasī kā charāġh jaltā hai

hijr ke shab-zinda-dāroñ se shanāsā.ī bhī thī
vasl kī lazzat meñ gum logoñ se ik naatā bhī thā

hijr ke ġham ne mujhe maar diyā thā to kyā
mar ke jiinā bhī to sīkhā hai tirī yādoñ se

soz-e-dil se lab ye har dam naala betābāna thā
hijr-e-sāqī meñ kisī pahlū qarār aslā na thā

din-rāt us ke hijr kā dīmak lage lage
dil ke tamām ḳhāne mujhe khokhle lage

dūd-e-āh-e-jigarī kaam na aayā yaaro
varna rū-e-shab-e-hijr aur bhī kaalā kartā

chalo ki ḳhaak uḌā.eñ chalo sharāb piyeñ
kisī kā hijr manāyā nahīñ bahut din se

naumīd na ho hijr meñ ai 'mus.hafī' us se
do din ko vahī lutf-o-ināyāt hai aur tū

zulmāt-e-shab-e-hijr kī āfāt hai aur tū
jo dam hai ġhanīmat hai ki phir raat hai aur to

yahī kahtī thī lailī-e-parda-nashīñ ki firāq kī ab use taab nahīñ
milūñ us se maiñ tā mirā qais-e-hazīñ ġham-e-hijr ke dard-o-alam se chhuTe

hue ḳhauf se gosha-guzīn asas gayā siina pilañg-e-falak kā jhulas
shab-e-hijr meñ yaaro baġhair-e-'havas' mire naale jo sher ajam se chhuTe

likkhā jo ḳhatt-e-shauq unheñ maiñ ne hijr meñ
rone lage raqīb bhī mere bayān par