Tags-Hijr

dekheñ kab kirneñ ubhareñgī dekheñ kab taare Dūbeñge
hijr kī shab meñ ab tak yaaro sub.h-e-vatan kī bāteñ haiñ

hijr kī shab ye mire soz-e-darūñ kā aalam
jal ke maiñ ḳhaak na ho jā.ūñ sahar hone tak

dāstān-e-shab-e-hijr un ko sunāne kā din ye nahīñ
mahfil-e-ishq meñ aaj hī to vo kuchh mehrbāñ aa.e haiñ

mehrbāñ thā kuchh tasavvur is tarah
hijr meñ bhī vasl kā aalam rahā

tere visāl-o-hijr ga.e to gayā magar
terī shabāhatoñ ke sab āzār rah ga.e

ye tirā hijr atā dard atā karb atā
ab 'atā' kaise jiye terī atāoñ ke baġhair

hijr kī raat ajab rañg hai paimāne kā
dast mai-ḳhvār meñ bujhtā sā diyā ho jaise

shab-e-hijr meñ aañkh jo band huī tirī zulf kī yaad do chand huī
mirī saañs ulajh ke kamand huī mujhe terī hī zulf-e-dotā kī qasam

aa jaa.e abhī jaan meñ jaan aao agar tum
tan hijr meñ be-jān hai ai jaan hamārā

ham apne hijr meñ apne visāl meñ gum haiñ
vo sochtā hai ki us ke ḳhayāl meñ gum haiñ

maiñ ghar se duur utāq-e-badan meñ rahtā huuñ
savād-e-hijr ke bāb-e-kuhan meñ rahtā huuñ

hijr kī raat kāTne vaale
kyā karegā agar sahar na huī

ab tire hijr meñ lazzat na tire vasl meñ lutf
in dinoñ ziist hai Thahre hue aañsū kī tarah

ye log shab-e-hijr bilakhte the jo behad
mahshar se guzar aa.e hai ḳhāmosh ai jaanā

vasl ho to charāġhāñ bhī kar leñ
hijr kī raat kyā charāġh jale

so is hisāb se bhī huā saal bhar kā hijr
kahtā hai aa.egā vo mirā is baras nahīñ

nāla-o-āh hai yā girya-o-zārī hai yahāñ
pūchhte kyā ho jo kuchh hijr meñ haal apnā hai

paidā ye hijr-e-yār meñ vahshat huī ki aah
is dil kā vasl meñ bhī na dīvāna-pan gayā

gosha-e-rañj meñ... hañgāma-e-duniyā se pare
kaun ik hijr ke shīshe meñ utartā thā

shāhid rahiyo tū ai shab-e-hijr
jhapkī nahīñ aañkh 'mus.hafī' kī