Tags-Hijr

hijr-zada ik āshiq mahv-e-ġham akasr
maazī ke aurāq palaTtā rahtā hai

saath mire vo mil kar chāñd sitāre bhī
hijr meñ tere niir bahāne lagte haiñ

hijr ko hausla aur vasl ko fursat darkār
ik mohabbat ke liye ek javānī kam hai

kitnā mushkil ho gayā huuñ hijr meñ us ke so vo
mere paas aa.egā aur āsān kar degā mujhe

'haqqī'-e-dil-girafta ke bas meñ na jaane kab nahīñ
hijr meñ shād-kām thā vasl ke darmiyāñ bujhā

hijr meñ jaan rahī yā guzrī
'riñd' kaho tum par kyā guzrī

sadme guzre iizā guzrī
hijr meñ tere kyā kyā guzrī

kisī ke hijr meñ shab se kalām karte hue
diye kī lau ko banāyā thā ham-zabāñ maiñ ne

mirī zindagī to guzrī tire hijr ke sahāre
mirī maut ko bhī pyāre koī chāhiye bahāna

ishq ik hikāyat hai sarfarosh duniyā kī
hijr ik masāfat hai be-nigār sahrā kī

āzim-e-hijr-e-musalsal huā is miTTī se
lauT aa.egā yahīñ aur kidhar jā.egā tū

riñd ġham hijr kā khāyā na karo
jaan ko apnī khapāyā na karo

maanā hijr kī raat hai ye par kitnī ḳhushī kī baat hai ye
ġham kī rim-rim-jhim kī hamdam bazm-e-tarab kā hissa hai

sharbat-e-vasl hai tanqīd kī ḳhātir maujūd
tap-e-hijr aa ke badan ko na hamāre toḌe

hijr se hijr tak thī ye hijrat
vo milā ya.anī kho gayā ya.anī

band hai shaam se hī shahr kā har darvāza
aa shab-e-hijr ki ab aur koī ghar dekheñ

ham aaj bahut hī pareshāñ haiñ is vaqt ke pher se hairāñ haiñ
hameñ le ke chalo kisī aisī taraf jahāñ hijr o visāl nahīñ hotā

maiñ jāntī huuñ vo ik shaḳhs vasl kā maarā
parā.e hijr kā jo rañj uThā.e royā hai

the shab-e-hijr kaam aur bahut
ham ne fikr-e-dil-e-tabāh na kī

jhulas gayā hai badan hijr kī tamāzat se
tujhe ḳhabar bhī nahīñ ho chukī hai kitnī der