Tags-Hijr

chalī hai hijr ke mausam meñ jab bhī purvā.ī
huī hai aañkh mirī nam tire havāle se

hijr kī shab meñ vasl kā lamha
ab to har din yahī karāmat ho

jise ham samajhte haiñ marg hai vo to ik taġhayyur-e-hāl hai
jiye jis ke hijr meñ umr-bhar vo hī ek lamha visāl hai

mere chāragaro mere tan-parvaro, jaao tum kas liye niiñd khoTī karo
hijr kī raat lā-intihā raat hai ye qayāmat nahīñ jo guzar jā.egī

jis qayāmat se vaa.iz Darātā hai tū us qayāmat se kam ye qayāmat nahīñ
bār-hā dil pe guzrī hai jo hijr meñ bār-hā jaan par jo guzar jā.egī

tamām hijr usī kā visāl hai us kā
maiñ jī rahā huuñ magar jaan o maal hai us kā

jo aayā hijr kā mausam to kyā kareñge ham
jo tajrabe meñ nahīñ vo savāl hai us kā

chhūT jā.eñge musībat se ab inshā-allāh
hijr meñ maut ke āsār nazar aate haiñ

ġhuncha-e-dil jo tire hijr meñ afsurda hai
baaġh meñ phuul mujhe ḳhaar nazar aate haiñ

milā thā hijr ke raste meñ sub.h kī mānind
bichhaḌ gayā thā musāfir se raat hone tak

kyoñ rotā hai ab hijr meñ tere vo 'masarrat'
jaate hue us ne tujhe rokā to nahīñ thā

bujh gayā kuchh dil bhī ab ke hijr meñ
aur chehre par kahāñ hai taab vo

maiñ tark-e-ta.alluq pe bhī āmāda huuñ lekin
tū bhī to mirā qarz-e-ġham-e-hijr adā kar

hijr hai dil meñ ḳhaak uḌtī hai
sadr-e-mahfil meñ ḳhaak uḌtī hai

ek ik lamha jalā kar ḳhud ko tere hijr meñ
vaqt kaise māpte haiñ ye diye kī lau se pūchh

hijr meñ nāshād duniyā se dil-e-muztar gayā
aaj apne saath kā ik marne vaalā mar gayā

yuuñ guzarte haiñ tire hijr meñ din-rāt mire
jaan pe jaise kisī shaḳhs ke ban aa.ī ho

badan se phuuT paḌā hai tamām umr kā hijr
ajiib haal huā hai tirī rifāqat meñ

maiñ jis ke hijr meñ ghuT ghuT ke marne vaalī huī
vo shaḳhs khul ke mirī zindagī jiyā logo

us pahelī kā koī hal to batāo yaaro
hijr kī rātoñ meñ ātish sā dahaktā kyuuñ huuñ