Collections

Lab Shayari

Motivational Ghazals

Best Khamoshi Shayari

More Collections

Tags-Hijr

hijr to pahle bhī aayā thā lekin ab vahshat hai aur
chaltī havā se laḌte haiñ ham ek parī-timsāl ke ba.ad

gard-alud darida chehra yun hai mah o sal ke baad

gar socheñ to hijr-zadoñ ne yuuñ bhī paa.ī umr baḌī
uTThe dil meñ dard se pahle baiThe gard malāl ke ba.ad

gard-alud darida chehra yun hai mah o sal ke baad

minqār se havā ne likhī dāstān-e-hijr
yuuñ harf-e-mo'tabar ko bhī nā-mo'tabar kiyā

KHud apne aap se ye gila umr bhar kiya

hijr kī muddat na hogī ḳhatm sābit ho chukā
din ko zarre gin chukā maiñ aur taare raat ko

bagh mein jugnu chamakte hain jo pyare raat ko

ham se yaañ rañj-e-hijr uTh na sakā
vaañ vo majbūr the vo aa na sake

qismat-e-shauq aazma na sake

shāyad ki shām-e-hijr ke maare bhī jī uTheñ
sub.h-e-bahār-e-hashr kā chehrā utar gayā

wo ji gaya jo ishq mein ji se guzar gaya

yuuñ ziyā-bār rahī hijr kī shab yaad tirī
ġham kā sho.ala tire ruḳhsār se baḌh kar chamkā

aaj yun dard tera dil ke ufuq par chamka

yaar mujh ko dekh zā ronā to un sā hijr meñ
mushfiqāna kuchh nasīhat jabki farmāne lage

ghair ki KHatir se tum yaron ko dhamkane lage

hijr kā zā.iqa liije zarā dhīre dhīre
sab kī thālī meñ ye pakvān nahīñ hotā hai

jhuTh ka bolna aasan nahin hota hai

tujh se jo lamha milā lamha-e-mashrūt milā
vasl kī sā.atoñ meñ hijr ke ādāb bhī the

raat ki aankh mein mere liye kuchh KHwab bhi the

shab o roz jaise Thahar ga.e koī naaz hai na niyāz hai
tire hijr meñ ye patā chalā mirī umr kitnī darāz hai

shab o roz jaise Thahar gae koi naz hai na niyaz hai

gila hijr kā sun ke kahne lagā
hamāre tumhāre judā.ī nahīñ

ghazal mir ki kab paDhai nahin

fasīl-e-ishq pe rakkhā huā charāġh huuñ maiñ
havā-e-hijr kā rahtā hai intizār mujhe

nigah-e-yar se hota hai wo KHumar mujhe

use batāyā nahīñ hijr meñ jo haal huā
jo baat sab se zarūrī thī vo chhupā gayā huuñ

use bataya nahin hijr mein jo haal hua

ye hijr un ko milā hai unhī kī ḳhvāhish par
ab ahl-e-dard ye jiine kā ehtimām kareñ

tumhaari tishna-nigahi ka ehtiram karen

maqām-e-hijr kahīñ imtihāñ se ḳhālī hai
kahīñ zamīñ bhī kisī āsmāñ se ḳhālī hai

maqam-e-hijr kahin imtihan se Khaali hai

kis ko samjhā.eñ ye samjhāne kī bāteñ kab haiñ
vasl kab yaad rahā hijr meñ kyā bhuul ga.e

waqt ke hathon hikayat-e-ana bhul gae

hameñ bhī yaad na aa.ī bahār-e-ishva-tarāz
use bhī hijr kā mausam bahut suhānā thā

hawa ki zad pe charagh-e-shab-e-fasana tha

akelā ishq hai hijr-o-visāl kuchh bhī nahīñ
bas ek ālam-e-dīvāngī hai aur maiñ huuñ

ye lamha zist ka hai bas aaKHiri hai aur main hun

hijr phailā hai puure kamre meñ
pars meñ par visāl rakkhā hai

aur sab kuchh bahaal rakkha hai