Tags-Hijr

chāñd se kam na thī ham hijr ke māroñ ko
us shab-e-tār meñ mauhūm sī chiñgārī

kisī kī yaad kī ḳhushbū safar meñ saath chale
kisī ke hijr kā mausam nazar meñ rakh lenā

vo jis ke vasl meñ naġhme likhe kabhī ham ne
usī ke hijr meñ ham ne suḳhan ko chhoḌ diyā

mar ga.e din hī ko ham hijr meñ sad-shukr 'hasan'
kaam pahuñchā na hamārā shab-e-dījūr talak

zindān-e-hijr meñ hameñ sauñpā thā ishq ne
aa.e haiñ ham nasīboñ kī tā.īd se nikal

jis ko terā saath milā vo ḳhush na rahe kyuuñ phūloñ sā
terā to chhū lenā tak bhī hijr ke rog meñ shāfī hai

shab-e-hijr bāteñ haiñ dīvār-o-dar se
mile haiñ mujhe rāz-dāñ kaise kaise

charḳh-e-gardish se thak gayā shab-e-hijr
din nikaltā nazar nahīñ aatā

hijr dīvār kā āzār to hai hī lekin
is ke uupar bhī ka.ī kāñch jaḌe hote haiñ

maiñ tire hijr meñ jo zinda huuñ
sochtā huuñ visāl se aage

parda-e-hijr vahī hasti-e-mauhūm thī 'yās'
sach hai pahle nahīñ mālūm thā ye raaz mujhe

soz-e-hijr-e-kānhā se jo sāñvlā thā 'uzlat' aah
dāġhdār āḳhir lagī Tesū ke bindrāban meñ aag

us ko us kī apnī qurbat ne sarshār rakkhā
mujhe to shāyad mere hijr ne hī barbād kiyā

merī hayāt ā.īna-e-hijr-e-mustaqil
ik safar hai be-qayām aur mirā vajūd

tere hijr meñ jaam na khankeñ patta na khaḌke aah na ho
kis dariyā meñ Duub mareñ āvāzeñ chaukī-dāroñ kī

kitnā āsāñ thā tire hijr meñ marnā jānāñ
phir bhī ik umr lagī jaan se jaate jaate

hijr meñ jhuum ke vijdān pe aatā hai nikhār
raat suulī pe basar ho to ġhazal hotī hai

hue ruḳhsat jahāñ se sub.h hote
kahānī hijr kī yuuñ muḳhtasar kī

ye koī mo.ajiza hai hijr kā hī
tū mujh meñ baḌbaḌāne lag gayā hai

mumkina faisloñ meñ ek hijr kā faisla bhī thā
ham ne to ek baat kī us ne kamāl kar diyā